ഭോപാല്‍: പാര്‍ട്ടിയില്‍ ചേരുന്നവര്‍ക്ക് ബിരിയാണി ഓഫറോടെ അസദുദ്ദീന്‍ ഒവൈസി. തന്റെ പാര്‍ട്ടിയായ എ ഐഎംഐഎമ്മിനെ മധ്യപ്രദേശിലെ ഭോപ്പാലില്‍ വളര്‍ത്തുകയാണ് ലക്ഷ്യം.
ഈയിടെ നടന്ന തദ്ദേശസ്ഥാപന തെരഞ്ഞെടുപ്പില്‍ ഒവൈസിയുടെ പാര്‍ട്ടി ഏഴ് കോര്‍പറേഷന്‍ സീറ്റുകള്‍ നേടിയിരുന്നു. ഇതോടെയാണ് പാര്‍ട്ടി വളര്‍ത്താന്‍ പുതിയ ബിരിയാണി വാഗ്ദാനവുമായി ഒവൈസി ഇറങ്ങിയിരിക്കുന്നത്.
“നേരത്തെ അംഗമായിരുന്ന പാര്‍ട്ടിയില്‍ വേണ്ടത്ര ബഹുമാനം കിട്ടാത്ത ചെറുപ്പക്കാരെ ഞങ്ങള്‍ സ്വാഗതം ചെയ്യുകയാണ്. ഞങ്ങളുടെ ഓഫീസില്‍ വരുന്നവര്‍ക്ക് ബരിയാണിയോ അതല്ലെങ്കില്‍ രാവിലെയാണെങ്കില്‍ സമോസയും ചായയോ നല്‍കും. നമ്മള്‍ വീട്ടില്‍ അതിഥികളെ സ്വീകരിക്കുന്നതുപോലെയാണ് ഇത്.” – എഐഎംഐഎം നേതാവ് പീര്‍സാദാ തൗഖീര്‍ നിസമി പറയുന്നു. 20,000 പേര്‍ പുതുതായി ചേര‍്ന്നതായി പാര്‍ട്ടി അവകാശപ്പെടുന്നു.
പ്രതികരിക്കാൻ ഇവിടെ എഴുതുക: