അനിൽ ആറന്മുള
ചിക്കാഗോ: ചിക്കാഗോയിലെ ഡെസ് പ്ലേൻസിൽ നടന്ന നായർ അസോസിയേഷൻ ചിക്കാഗോയുടെ ഓണാഘോഷം പ്രൗഡ്ഢഗംഭീരമായി. പ്രസിഡണ്ട് അരവിന്ദ് പിള്ളയുടെ അധ്യക്ഷതയിൽ കൂടിയ പൊതുസമ്മേളനത്തിൽ കെ എച് എൻ എ പ്രസിഡന്റ് ജി കെ പിള്ള മുഖ്യാതിഥിയായിരുന്നു.
ശ്രേയ മഹേഷിന്റെ പ്രാർഥന ഗാനത്തോടുകൂടി ആരംഭിച്ച ഓണാഘോഷപരിപാടിയിൽ ഡോ. സുനിത നായർ, ഉമാമഹേഷ്, മേഘ്ന ജയരാജ്, ഗൗരി ജയരാജ്, ശ്രുതി മഹേഷ്, മഞ്ജു നായർ, ലക്ഷ്മി നായർ, സംഗീത നായർ എന്നിവർ നേതൃത്വം നൽകിയ അതിമനോഹരമായ തിരുവാതിര അവതരിപ്പിക്കപ്പെട്ടു.
കെ എച് എൻ എ പ്രസിഡണ്ട് ജി കെ പിള്ള എല്ലാവര്ക്കും ഓണാശംസകൾ നേരുകയും 2023 നവംബറിൽ ഹ്യൂസ്റ്റനിൽ നടക്കുന്ന കെ എച് എൻ എ കോൺവെൻഷനിൽ പങ്കെടുക്കാൻ നായർ അസോസിയേഷൻ പ്രവർത്തകരെ ക്ഷണിക്കുകയും ചെയ്തു. കൺവെൻഷൻ ചെയർമാൻ രഞ്ജിത് പിള്ള കെ എച് എൻ എ ഹ്യൂസ്റ്റൺ കൺവെൻഷൻറെ പ്രവർത്തന രീതികളെ പരിചയപ്പെടുത്തി. ചിക്കാഗോയിൽ നിന്ന് അറുപതോളം കുടുംബങ്ങൾ കൺവെൻഷനിൽ പങ്കെടുക്കുമെന്ന് ഉറപ്പു നൽകിയതായി രഞ്ജിത് അറിയിച്ചു. കെ എച് എൻ എ ഭാരവാഹികൾക്ക് പ്രൗഢോജ്വലമായ സ്വീകരണമാണ് നായർ അസോസിയേഷൻ നൽകിയത്. വേൾഡ് ഹിന്ദു പാർലമെന്റ് ചെയർമാൻ മാധവൻ നായർ , മുൻ കെ എച് എൻ എപ്രസിഡണ്ട് അനിൽ കുമാർ പിള്ള, ഭാരവാഹികളായ സതീശൻ നായർ, ചന്ദ്രൻ പിള്ള, എന്നിവരും ആഘോഷത്തിൽ സജീവമായി പങ്കെടുത്തു.
തുടർന്ന് ആകർഷകങ്ങളായ നൃത്തങ്ങളും സംഗീത ആലാപനങ്ങളും കൊണ്ട് ഓണാഘോഷം ആരങ്ങു തകർത്തു. തനി കേരളീയ രീതിയിൽ സ്വാദിഷ്ടമായ ഓണസദ്യയും വിളമ്പി
