കിഷന്‍ഗഞ്ച്(ബീഹാര്‍): സശസ്ത്ര സീമാ ബല്‍ (എസ്എസ്ബി) സൈനികരുടെ ശക്തമായ പോരാട്ടത്തിലൂടെ ബീഹാര്‍, ഝാര്‍ഖണ്ഡ് മേഖലകളില്‍ നിന്നും നക്‌സലിസത്തെ ഇല്ലായ്മ ചെയ്യാന്‍ സാധിച്ചതായി കേന്ദ്ര ആഭ്യന്തരമന്ത്രി അമിത് ഷാ. രണ്ടു ദിവസത്തെ ബീഹാര്‍ സന്ദര്‍ശനത്തില്‍ ഇന്നലെ കിഷന്‍ഗഞ്ചില്‍ എസ്എസ്ബിയുടെ അഞ്ച് ബോര്‍ഡര്‍ ഔട്ട് പോസ്റ്റുകളുടെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
വടക്കുകിഴക്കന്‍ മേഖലകളില്‍ എസ്എസ്ബിയുടെ ശക്തമായ പ്രവര്‍ത്തനംമൂലം നക്‌സലിസത്തെ തകര്‍ക്കുവാനായി. നേപ്പാള്‍, ഭൂട്ടാന്‍ രാജ്യങ്ങളിലെ തുറന്ന അതിര്‍ത്തികളില്‍ വളരെയേറെ കഷ്ടതകളനുഭവിച്ചാണ് എസ്എസ്ബി പ്രവര്‍ത്തിക്കുന്നത്. ഈ സൗഹൃദരാഷ്‌ട്രങ്ങളുടെ അതിര്‍ത്തികളില്‍ പ്രവര്‍ത്തിക്കുമ്പോള്‍ വളരെ എളുപ്പമുള്ള ഡ്യൂട്ടിയാണെന്ന് ദല്‍ഹിയിലിരിക്കുമ്പോള്‍ ഒരുവേള ചിന്തിക്കും. എന്നാല്‍ തുറന്ന അതിര്‍ത്തിയിലെ ഈ ഡ്യൂട്ടി എത്ര കഠിനമാണെന്ന് തിരിച്ചറിയുന്നുണ്ടെന്നും അമിത് ഷാ പറഞ്ഞു.
പ്രതികരിക്കാൻ ഇവിടെ എഴുതുക: