മധുര: തമിഴ്‌നാട്ടിലെ മധുരയില്‍ നിന്ന് കേരളത്തിലേക്ക് കടത്താന്‍ ശ്രമിച്ച, പൊതു വിതരണ വകുപ്പിന്റെ 15 ടണ്‍ അരി പിടിച്ചെടുത്തു. മധുരയിലെ കപ്പലൂര്‍ ടോളില്‍ വച്ചാണ് അരിയുമായി വന്ന വാഹനം പൊതു വിതരണ വകുപ്പ് ഉദ്യോഗസ്ഥര്‍ പിടിച്ചത്. ഇന്നലെ പുലര്‍ച്ചെ 5.00നായിരുന്നു സംഭവം. അരി കടത്തുന്നുവെന്ന രഹസ്യ വിവരത്തെത്തുടര്‍ന്നാണ് ഉദ്യോഗസ്ഥര്‍ എത്തിയത്.
വാഹനം പരിശോധിച്ചപ്പോള്‍ 50 കിലോ വരുന്ന 300 ചാക്ക് അരി കണ്ടെത്തി. ഡ്രൈവറുള്‍പ്പെടെ വാഹനത്തിലുണ്ടായിരുന്ന നാലുപേരെ അറസ്റ്റു ചെയ്തു. അരി കടത്തി കേരളത്തിലെത്തിച്ച് വില കൂട്ടി വില്‍ക്കുകയായിരുന്നു ലക്ഷ്യം. അരി കയറ്റിയയച്ച എസ്. ശശികുമാര്‍, വാഹനത്തിന്റെ ഉടമ വേലായുധന്‍ എന്നിവര്‍ ഒളിവിലാണ്. ഇരുവരും കന്യാകുമാരി സ്വദേശികളാണ്.
പ്രതികരിക്കാൻ ഇവിടെ എഴുതുക: