ലണ്ടന്: ചാമ്പ്യന്സ് ലീഗില് ഡൈനാമോ സാഗ്രെബിനെതിരായ തോല്വിക്ക് പിന്നാലെ ഇംഗ്ലീഷ് ക്ലബ് ചെല്സി കോച്ച് തോമസ് ടുച്ചെലിനെ പുറത്താക്കി. ചൊവ്വാഴ്ച ക്രൊയേഷ്യന് ക്ലബ്ബിനോട് എതിരില്ലാത്ത ഒരു ഗോളിന്പരാജയപ്പെട്ടതിനു പിന്നാലെ അപ്രതീക്ഷിതമായിട്ടായിരുന്നു പുറത്താക്കല്.
ടുച്ചെലിന്റെ കീഴിലാണ് 2021ല് മാഞ്ചസ്റ്റര് സിറ്റിയെ തോല്പ്പിച്ച് ചാമ്പ്യന്സ് ലീഗില് ചെല്സി കിരീടമണിഞ്ഞത്. ചാമ്പ്യന്സ് ലീഗ് കിരീടത്തിനു പുറമെ ചെല്സിക്ക് യുവേഫ സൂപ്പര് കപ്പും ക്ലബ് ലോകകപ്പും നേടിക്കൊടുത്ത പരിശീലകന് കൂടയാണ് ടുച്ചെല്.
പ്രീമിയര് ലീഗില് ആറു മത്സരങ്ങള് പിന്നിട്ടപ്പോള് മൂന്ന് ജയവും ഒരു സമനിലയും രണ്ട് തോല്വിയുമടക്കം നിലവില് ആറാം സ്ഥാനത്താണ് ചെല്സി.
