സുരേഷ് ഗോപിയുടെ കുടുംബ സെല്‍ഫി വൈറല്‍

തിരുവനന്തപുരം: കുടുംബത്തോടൊപ്പം എടുത്ത സുരേഷ് ഗോപിയുടെ ഫോട്ടോ വൈറല്‍. സുരേഷേട്ടനും കുടുംബവും എന്ന പേരിലാണ് ഈ ചിത്രം പ്രചരിക്കുന്നത്.  

ഫാന്‍സ് പേജുകളും പുറത്തുള്ളവരും ഒരു പോലെയാണ് ഈ ചിത്രം ഏറ്റെടുത്തിരിക്കുന്നത്. സുരേഷ് ഗോപി, ഭാര്യ രാധിക, മക്കളായ ഗോകുല്‍, ഭാഗ്യ, ഭാവ്നി, മാധവ് എന്നിവരാണ് ചിത്രത്തില്‍. നടന്‍ കൂടിയായ മൂത്ത മകന്‍ ഗോകുലാണ് ഈ സെല്‍ഫി എടുത്തിരിക്കുന്നത്. ഇത്രയും വലിയ ഒരു കുടുംബത്തോടൊപ്പം എത്ര സന്തോഷത്തോടെയാണ് താരം യാത്ര ചെയ്യുന്നതെന്ന് ഈ സെല്‍ഫി കണ്ടാല്‍ അറിയാം.  

ഒപ്പം സുരേഷ് ഗോപി തന്റെ ഫേസ് ബുക്ക് പേജില്‍ പങ്കുവെച്ച മറ്റൊരു ചിത്രവും ആരാധകര്‍ ഇഷ്ടപ്പെടുന്നു. ഗോകുലും മാധവും ചേര്‍ന്ന് സഹോദരിമാരായ ഭാഗ്യ, ഭാവ്നി എന്നിവരെ പൊതിഞ്ഞുനില്‍ക്കുന്ന ചിത്രമാണിത്. എന്‍റേത് എന്നാണ് സുരേഷ് ഗോപി ഈ ചിത്രത്തിന് നല്‍കിയിരിക്കുന്ന തലക്കെട്ട്.