തിരുവനന്തപുരം: സിനിമ ഷൂട്ടിംഗിനിടെ കിടിലം ഫിറോസിന് പരിക്ക്. നോബി മാര്ക്കോസുമായുള്ള സംഘട്ടന രംഗത്തിലാണ് തലയ്ക്കും വലതു കയ്യിലും പരിക്കുണ്ടായത്. പട്ടം കോസ്മോപൊളിറ്റന് ഹോസ്പിറ്റലില് പ്രവേശിപ്പിച്ച നടന്റെ ശരീരത്തില് കുത്തിക്കയറിയ വാഹനത്തിന്റെ ഗ്ലാസ് ചില്ലുകള് സര്ജറിയിലൂടെ നീക്കം ചെയ്തു.
എല്3 എന്റര്മെന്റ് ബാനറില് രാഹുല് കൃഷ്ണ സംവിധാനം ചെയ്യുന്ന ‘അപ്പോസ്തലന്മാരുടെ പ്രവര്ത്തികള്’ എന്ന ചിത്രത്തില് ഒരു സുപ്രധാന മുഴുനീളകഥാപാത്രം അവതരിപ്പിക്കുന്ന കിടിലം ഫിറോസിന് ചിത്രത്തിന്റെ അവസാന ഷെഡ്യൂള് അവസാനിക്കാന് ദിവസങ്ങള് ബാക്കിനില്ക്കെയാണ് സംഭവം. എട്ടോളം ഫൈറ്റ് സീക്വന്സുകള് ഉള്ള അപ്പോസ്തലന്മാരുടെ പ്രവൃത്തികള് എന്ന ചിത്രത്തില് രാഹുല് മാധവ്, അപ്പാനി ശരത്, നോബി മാര്ക്കോസ്, കിടിലം ഫിറോസ്, സുധീര് കരമന, നിയ,ഡയാന ഹമീദ്, നെല്സന്, കലാഭവന് നന്ദന, ബിജുക്കുട്ടന്, റിയാസ് തുടങ്ങി നിരവധി താരങ്ങള് അണിനിരക്കുന്നുണ്ട്.
ഡിസ്ചാര്ജ് ആയാലുടന് ചിത്രത്തിന്റെ ഷൂട്ടിങ് പുനരാരംഭിക്കാന് ആണ് അണിയറ പ്രവര്ത്തകരുടെ നീക്കം. സെപ്റ്റംബര് ആദ്യവാരം ചിത്രീകരണം അവസാനിക്കുന്ന ചിത്രം ഉടന്തന്നെ തിയേറ്ററുകളില് എത്തും.
