തിരുവനന്തപുരം: സ്വന്തം സിനിമ നിന്നു പോകും എന്ന അവസ്ഥയില് ഉപാധികളില്ലാതെ തന്നെ സുരേഷ് ഗോപി സഹായിച്ച കഥ വിവരിച്ച് നടനും സംവിധായകനുമായ അനൂപ് മേനോന്. ഡോള്ഫിന്സ് എന്ന തന്റെ ചിത്രം നിന്നുപോകുന്ന അവസ്ഥയില് സാമ്പത്തികമായി തുണയായത് സുരേഷ് ഗോപിയാണെന്നാണ് അനൂപ് പറയുന്നത്. ആകെ തകര്ന്നു നിന്ന എന്നെ കാരവാനിലേക്ക് വിളിപ്പിച്ച് ഒരു കെട്ട് പൈസ എടുത്ത് സുരേഷ് ഗോപി തന്നു. എന്നിട്ട് അദ്ദേഹം പടം ഷൂട്ട് ചെയ്ത് തീര്ക്കാന് പറഞ്ഞു. എനിക്ക് ഏറ്റവും പ്രിയപ്പെട്ടൊരു കഥാപാത്രമാണതെന്നും ഒരിക്കലും ചിത്രം നിന്നുപോകരുതെന്നും സുരേഷ് ഗോപി തന്നോട് പറഞ്ഞു. 25 ലക്ഷം രൂപയാണ് അന്ന് എന്റെ കയ്യില്വെച്ച് തന്നത്.
രിക്കലും മറക്കാനാകാത്ത ഒരു സംഭവമാണതെന്നും അനൂപ് കൂട്ടിച്ചേര്ത്തു. ഏറ്റവും മികച്ച മനുഷ്യരില് ഒരാളാണ് സുരേഷേട്ടനെന്നും അദ്ദേഹം പറയുന്നു. നല്ലൊരു രാഷ്ട്രീയക്കാരനാണ് സുരേഷേട്ടന്. സിനിമയില് വന്നില്ലായിരുന്നുവെങ്കില് എല്ലാവരും ബഹുമാനിക്കുന്നൊരു രാഷ്ട്രീയക്കാരന് ആയേനെ സുരേഷ് ഗോപി എന്നും അനൂപ് ഓണ്ലൈന് മാധ്യമത്തിനു നല്കിയ അഭിമുഖത്തില് പറഞ്ഞു.
