അച്ചന്കോവില്: ഓണത്തിന് മുന്പെ അച്ചന്കോവില് കേന്ദ്രീകരിച്ച് വ്യാജമദ്യ വില്പന സജീവമാകുന്നു. അനധികൃതമായി മദ്യവില്പ്പന നടത്തുന്നവര് സര്ക്കാര് മദ്യശാലകളില് നിന്നും വാങ്ങുന്ന മദ്യം സ്വകാര്യ വാഹനങ്ങളിലും ഇരുചക്ര വാഹനങ്ങളിലുമാണ് അച്ചന്കോവിലില് എത്തിക്കുന്നത്. കെഎസ്ആര്ടിസി ബസുകളിലും മദ്യം എത്തിക്കുന്നതായി വിവരമുണ്ട്.
ഒരു ലിറ്റര് മദ്യത്തിന് 500 രൂപയിലധികം വാങ്ങിയാണ് അച്ചന്കോവിലില് ഇത്തരക്കാര് വില്പന നടത്തുന്നത്. മദ്യവുമായി പിടികൂടുന്നവരെ നിസ്സാര വകുപ്പ് ചുമത്തി ജാമ്യത്തില് വിടുന്നതായും ആക്ഷേപം ഉയരുന്നുണ്ട്. ടൂറിസം കേന്ദ്രങ്ങള് കേന്ദ്രീകരിച്ചും മദ്യവില്പ്പന നടത്തുന്ന സംഘം അച്ചന്കോവിലിലുണ്ട്.
വ്യാജ മദ്യവില്പ്പന നിര്ത്താന് പോലീസിന്റെ ഭാഗത്തു നിന്നും നടപടിയുണ്ടാകണമെന്നാണ് നാട്ടുകാരുടെ ആവശ്യം.
