മുംബൈ : ഭാര്യയെ ഭര്‍ത്താവ് പ്ലാറ്റ്‌ഫോമില്‍ നിന്നും വലിച്ചിഴച്ച്് ട്രെയിനിനു മന്നില്‍ തള്ളിയിട്ട് കൊന്നു. തിങ്കളാഴ്ച പുലര്‍ച്ചെ 4 മണിക്ക് മുംബൈയ്‌ക്ക് സമീപമുള്ള വസായ് റെയില്‍വേ സ്റ്റേഷനിലാണ് സംഭവം. അവധ് എക്സ്പ്രസ് ടെയിന്‍ സ്റ്റേഷനിലേക്ക് അടുത്തോടെ ഇയാള്‍ പ്ലാറ്റ്‌ഫോമിലെ ബെഞ്ചിലിരുന്ന ഭാര്യയെ ട്രെയിനിന് മുന്നിലേക്ക് തള്ളിയിടുകയായിരുന്നു.
പിന്നീട് പ്ലാറ്റ്‌ഫോമില്‍ ഉറങ്ങി കിടന്നിരുന്ന കുട്ടികളെ എടുത്ത് സ്ഥലം വിടുകയുമായിരുന്നു. ഇയാള്‍ പോലീസ് പിടിയിലായിട്ടുണ്ട്. താനെയിലെ ഭിവണ്ടി ടൗണില്‍ നിന്നാണ് ഇയാളെ അറസ്റ്റ് ചെയ്തത്.
അവധ് എക്സ്പ്രസ് ട്രെയിന്‍ വരുന്നതുകണ്ട് പ്ലാറ്റ്‌ഫോം ബെഞ്ചില്‍ ഉറങ്ങിക്കിടന്ന യുവതിയെ ഭര്‍ത്താവ് ഉണര്‍ത്തുന്നതിന്റേയും അതിനുശേഷം കുട്ടികളുമായി പുറത്തേയ്‌ക്ക് പോകുന്നതിന്റേയും വീഡിയോ പുറത്തുവന്നിട്ടുണ്ട്. ഞായറാഴ്ച ഉച്ച മുതല്‍ ഭാര്യയും ഭര്‍ത്താവും വസായ് സ്റ്റേഷിനുണ്ടായിരുന്നുവെന്നും സംഭവത്തിനു ശേഷം പ്രതി ദാദറിലേക്കും അവിടെ നിന്ന് കല്യാണിലേക്കും പോകുന്നതിനിടയിലാണ് അറസ്റ്റിലായത്.
പ്രതികരിക്കാൻ ഇവിടെ എഴുതുക: