പനാജി : ബിജെപി നേതാവും നടിയുമായ സൊണാലി ഫോഗട്ട് (43) ഗോവയില്‍ അന്തരിച്ചു. ഹൃദയാഘാതത്തേ തുടര്‍ന്നായിരുന്നു അന്ത്യം. തിങ്കളാഴ്ച രാത്രി ഹൃദയാഘാതമുണ്ടായതിനേ തുടര്‍ന്ന് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
ഹരിയാനയില്‍ നിന്നുള്ളവര്‍ ഏതാനും ജോലിക്കാരുമായി ഗോവയിലെത്തിയതാണെന്നാണ് റിപ്പോര്‍ട്ടുകള്‍. അതിനു പിന്നാലെ ഇവര്‍ക്ക് ഹൃദയാഘാതം അനുഭവപ്പെടുകയായിരുന്നു.
സൊണാലി ഫോഗട്ട് 2008-ലാണ് ബിജെപിയില്‍ ചേരുന്നത്. തുടര്‍ന്ന് മഹിളാമോര്‍ച്ചയുടെ ദേശീയ വൈസ് പ്രസിഡന്റായി. 2019-ലെ ഹരിയാന നിയമസഭാ തെരഞ്ഞെടുപ്പില്‍ അദംപുര്‍ മണ്ഡലത്തിലെ ബിജെപി സ്ഥാനാര്‍ത്ഥിയായി ഇവര്‍ മത്സരിച്ചിട്ടുണ്ട്.
സിനിമാ, ടെലിവിഷന്‍ പരിപാടികളില്‍ സൊണാലി അഭിനയിച്ചിട്ടുണ്ട്. ഇവര്‍ സമൂഹ മാധ്യമങ്ങളില്‍ ഏറെ സജീവമായിരുന്നു. ഹിന്ദി ബിഗ് ബോസിന്റെ 14-ാം സീസണില്‍ ഇവര്‍ പങ്കെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: