ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ പുതിയൊരു റിക്കാര്‍ഡ് കൂടി പേരിലെഴുതി ടോട്ടനത്തിന്റെ മുന്നേറ്റനിരക്കാരന്‍ ഹാരി കെയ്ന്. ലീഗില്‍ ഒരു ക്ലബ്ബിനു വേണ്ടി കൂടുതല്‍ ഗോള്‍ നേടുന്ന താരമെന്ന റിക്കാര്‍ഡാണ് കെയ്ന് സ്വന്തമാക്കിയത്. മാഞ്ചസ്റ്റര്‍ സിറ്റി താരമായിരുന്ന സെര്‍ജിയൊ അഗ്വെയ്റൊയുടെ റിക്കാര്‍ഡ് കെയ്ന് മറികടന്നു.
വോള്‍വറിനെതിരായ ഗോളോടെ കെയ്ന് 185 ഗോളുകളായി. അഗ്വെയ്റൊയ്‌ക്ക് 184 ഗോളുകള്‍. 183 ഗോളുകളുള്ള വെയ്ന്‍ റൂണിയാണ് പട്ടകയില്‍ മൂന്നാമത്. യുണൈറ്റഡിനായാണ് റൂണിയുടെ നേട്ടം. ടോട്ടനത്തിന്റെ എല്ലാ മത്സരങ്ങളും കണക്കിലെടുത്താല്‍ കെയ്ന് 250 ഗോളുകളായി. 266 ഗോള്‍ നേടിയ ജമ്മി ഗ്രീവ്സാണ് ക്ലബ്ബിന്റെ എക്കാലത്തെയും വലിയ ഗോള്‍വേട്ടക്കാരന്‍.
പ്രതികരിക്കാൻ ഇവിടെ എഴുതുക: