തിരുവനന്തപുരം: രണ്ടാം പിണറായി സര്ക്കാരിലെ ആരോഗ്യമന്ത്രി വീണ ജോര്ജ്ജ് ഒരു ദുരന്തമെന്ന് മുന് ടെഹല്ക്ക സ്ഥാപകനായ ജേണലിസ്റ്റ് മാത്യു സാമുവല്. എല്ലാത്തലത്തിലും അവര് ഒരു ഡിസാസ്റ്ററാണെന്നും അദ്ദേഹം കൂട്ടിച്ചേര്ത്തു.
പത്തനംതിട്ട ജില്ലാ സെക്രട്ടേറിയറ്റ്,ഏരിയ കമ്മിറ്റി ഇവരുടെയൊന്നും ഫോണ് എടുക്കുന്നില്ല. അതേ ജില്ലയില് നിന്നുള്ള ഡപ്യൂട്ടി സ്പീക്കറുടെ പോലും ഫോണ് എടുക്കുന്നില്ല. എന്തോ വലിയ സംഭവം എന്ന നിലയില് സിപിഎം കൊണ്ടുവന്ന മന്ത്രിയാണിതെന്നോര്ക്കണം. – നാരദ ന്യൂസിന് അനുവദിച്ച പ്തത്യേക അഭിമുഖത്തില് മാത്യു സാമുവല് പറഞ്ഞു.
ഗ്രൗണ്ട് റിയാലിറ്റി (അടിസ്ഥാന യാഥാര്ത്ഥ്യങ്ങള് ) അറിയാത്ത ഒന്നിനും കൊള്ളാത്ത ഒരു മന്ത്രിയാണിത്. ഒന്നാം പിണറായി സര്ക്കാരിന്റെ കാലത്ത് നിപ വൈറസ് ആയാലും കോവിഡ് ആയാലും അതെല്ലാം നേരിടാന് ഒരു ആരോഗ്യമന്ത്രിയുണ്ടായിരുന്നു. ഷൈലജ ടീച്ചര് പ്രശ്നങ്ങള്ക്ക് കൃത്യമായ പരിഹാരം നല്കുന്ന മന്ത്രിയായിരുന്നു.- അദ്ദേഹം പറഞ്ഞു.
