കേന്ദ്രസര്‍ക്കാരിന് കീഴില്‍ സെക്കന്തരാബാദിലുള്ള (തെലങ്കാന) നാഷണല്‍ ഇന്‍സ്റ്റിറ്റ്യൂട്ട് ഫോര്‍ ദി എംപവര്‍മെന്റ് ഓഫ് പേഴ്‌സണ്‍സ് വിത്ത് ഇന്റലക്ച്വല്‍ ഡിസെബിലിറ്റി (എന്‍ഐഇപിഐഡി) 2022-23 വര്‍ഷം വിവിധ കേന്ദ്രങ്ങളിലായി നടത്തുന്ന ഇനി പറയുന്ന കോഴ്‌സുകളില്‍ പ്രവേശനത്തിന് ഇപ്പോള്‍ അപേക്ഷിക്കാം. ഓരോ സെന്ററിലും ലഭ്യമായ കോഴ്‌സുകള്‍ ചുവടെ-
എന്‍ഐഇപിഐഡി, സെക്കന്തരാബാദ്- എംഫില്‍- റീഹാബിലിറ്റേഷന്‍ സൈക്കോളജി (രണ്ട് വര്‍ഷം); എംഎഡ്, ബിഎഡ് (സ്‌പെഷ്യല്‍ എഡ്യൂക്കേഷന്‍) (രണ്ട് വര്‍ഷം), പിജി ഡിപ്ലോമ ഇന്‍ ഏര്‍ളി ഇന്റര്‍വെന്‍ഷന്‍ (ഒരു വര്‍ഷം), അപേക്ഷ സ്വീകരിക്കുന്ന അവസാന തീയതി ഓഗസ്റ്റ് 29.
എന്‍ഐഇപിഐഡി കൊല്‍ക്കത്ത- ബിഎഡ്, എംഎഡ് (സ്‌പെഷ്യല്‍ എഡ്യൂക്കേഷന്‍) (രണ്ട് വര്‍ഷം), അപേക്ഷ സ്വീകരിക്കുന്ന അവസാന തീയതി സെപ്തംബര്‍ 5. എന്‍ഐഇപിഐഡി, നവി മുംബൈ- ബിഎഡ്, എംഎഡ് (സ്‌പെഷ്യല്‍ എഡ്യൂക്കേഷന്‍) (രണ്ട് വര്‍ഷം) അപേക്ഷ സ്വീകരിക്കുന്ന അവസാന തീയതി ഓഗസ്റ്റ് 29.
പ്രവേശന വിജ്ഞാപനവും വിശദവിവരങ്ങളടങ്ങിയ പ്രോസ്‌പെക്ടസും അപേക്ഷാഫോറവും അഅഅ ല്‍നിന്നും ഡൗണ്‍ലോഡ് ചെയ്ത് നിര്‍ദ്ദേശാനുസരണം അപേക്ഷിക്കാവുന്നതാണ്. അന്വേഷണങ്ങള്‍ക്ക് ബന്ധപ്പെടാവുന്ന ഇ-മെയില്‍ [email protected]. സെപ്തംബര്‍ 18 ന് ദേശീയതലത്തില്‍ നടത്തുന്ന പ്രവേശന പരീക്ഷയുടെ റാങ്ക് പരിഗണിച്ചാണ് അഡ്മിഷന്‍.
പ്രതികരിക്കാൻ ഇവിടെ എഴുതുക: