തിരുവനന്തപുരം: കേരള ബാലസാഹിത്യ ഇന്സ്റ്റിറ്റിയൂട്ടിന്റെ 2022ലെ ബാലസാഹിത്യ പുരസ്കാരങ്ങള്ക്ക് കൃതികള് ക്ഷണിച്ചു. 2019, 2020, 2021 വര്ഷങ്ങളില് ആദ്യ പതിപ്പായി പ്രസിദ്ധീകരിച്ച മികച്ച ബാലസാഹിത്യ കൃതികള്ക്ക് നല്കുന്ന പുരസ്കാരം 20,000 രൂപയും പ്രശസ്തിപത്രവും ഫലകവും അടങ്ങുന്നതാണ്.
കഥ/നോവല്, കവിത, നാടകം, വിവര്ത്തനം/പുനരാഖ്യാനം, ശാസ്ത്രം, വൈജ്ഞാനികം (ശാസ്ത്രം ഒഴികെ), ജീവചരിത്രം/ആത്മകഥ, ചിത്രീകരണം, ചിത്രപുസ്തകം, പ്രൊഡക്ഷന് എന്നിങ്ങനെ 10 വിഭാഗങ്ങളാണ് പരിഗണിക്കുക. പുസ്തകത്തിന്റെ നാലു പ്രതികള് വീതം ഡയറക്ടര്, കേരള സംസ്ഥാന ബാലസാഹിത്യ ഇന്സ്റ്റിറ്റിയൂട്ട്, സംസ്കൃത കോളജ് കാമ്പസ്, പാളയം, തിരുവനന്തപുരം 34, ഫോണ്: 8547971483 എന്ന വിലാസത്തില് സപ്തംബര് 12ന് മുമ്പായി ലഭിക്കണം.
