സ്വാതന്ത്ര്യ ദിനാഘോഷത്തില്‍ ഇന്ദിരാഗാന്ധിയുടെ മേക്ക് ഓവറില്‍ ആശംസകള്‍ നേര്‍ന്ന് മഞ്ജു വാര്യര്‍. വെള്ളരിക്കാപട്ടണട്ടത്തിന്റെ പോസ്റ്ററിലാണ് ഇത്തരത്തില്‍ വ്യത്യസ്ത വേഷത്തിലെത്തി താരം സ്വാതന്ത്യദിനാശംസയുമായി എത്തിയത്. പോസ്റ്ററില്‍ ചര്‍ക്കയില്‍ നൂല്‍നൂറ്റ് സൗബിന്‍ ഷാഹിര്‍റുമുണ്ട്.
‘രാഷ്‌ട്രീയം പറയാന്‍ സ്വാതന്ത്ര്യം കിട്ടിയിട്ട് 75വര്‍ഷം’എന്നതാണ് പോസ്റ്ററിലെ വാചകം. വെള്ളരിപട്ടണത്തിന്റെ ഈ പോസ്റ്റര്‍ സമൂഹമാധ്യമങ്ങളില്‍ ഇതിനോടകം തന്നെ വൈറലായിട്ടുണ്ട്. ചിത്രം സെപ്റ്റംബറില്‍ പ്രദര്‍ശനത്തിനെത്തുമെന്നും ഇതില്‍ പറയുന്നു. മഞ്ജുവിന്റെ ഈ വേഷപ്പകര്‍ച്ച ചിത്രത്തില്‍ എങ്ങനെയാകും നിറയുകയെന്നും ചിത്രത്തിലെ സര്‍പ്രൈസുകള്‍ എന്തൊക്കെയാകുമെന്നുമുള്ള ആകാംക്ഷയിലാണ് ഇപ്പോള്‍ പ്രേക്ഷകര്‍.
ഫുള്‍ ഓണ്‍ സ്റ്റുഡിയോസ് നിര്‍മിക്കുന്ന ‘വെള്ളരിപട്ടണ’ത്തിന്റെ സംവിധാനം മഹേഷ് വെട്ടിയാറാണ്. മാധ്യമപ്രവര്‍ത്തകനായ ശരത്കൃഷ്ണയും സംവിധായകനും ചേര്‍ന്നാണ് രചന. മഞ്ജുവാര്യര്‍ക്കും സൗബിന്‍ ഷാഹിറിനും പുറമേ സലിംകുമാര്‍, സുരേഷ്‌കൃഷ്ണ, കൃഷ്ണശങ്കര്‍, ശബരീഷ് വര്‍മ, അഭിരാമി ഭാര്‍ഗവന്‍, കോട്ടയം രമേശ്, മാലപാര്‍വതി, വീണനായര്‍, പ്രമോദ് വെളിയനാട് തുടങ്ങിയവരും ചിത്രത്തില്‍ വേഷമിടുന്നു.
ഛായാഗ്രഹണം- അലക്സ് ജെ.പുളിക്കല്‍, എഡിറ്റിങ്- അപ്പു എന്‍.ഭട്ടതിരി. മധുവാസുദേവനും വിനായക് ശശികുമാറുമാണ് ഗാനരചയിതാക്കള്‍. സംഗീതം- സച്ചിന്‍ ശങ്കര്‍ മന്നത്ത്. കലാസംവിധായകന്‍- ജ്യോതിഷ് ശങ്കര്‍, പാഡക്ഷന്‍ ഡിസൈനര്‍ ബെന്നി കട്ടപ്പന. ശ്രീജിത് ബി.നായരും കെ.ജി.രാജേഷ് കുമാറുമാണ് അസോസിയേറ്റ് ഡയറക്ടര്‍മാര്‍.
പ്രതികരിക്കാൻ ഇവിടെ എഴുതുക: