തിരുവനന്തപുരം: വോട്ടര് പട്ടികയില് പേരുള്ള സമ്മതിദായകന് ആധാര് നമ്പര് വോട്ടര് പട്ടികയുമായി ബന്ധിപ്പിക്കാവുന്നതാണെന്നു സംസ്ഥാന തെരഞ്ഞെടുപ്പ് കമ്മിഷന് അറിയിച്ചു. നിലവില് വോട്ടര്പട്ടികയില് പേരുള്ള ഒരു സമ്മതിദായകന് തന്റെ ആധാര് നമ്പര് തെരഞ്ഞെടുപ്പു കമ്മിഷന്റെ www.nvsp.in എന്ന വെബ്സൈറ്റ് മുഖേനയോ വോട്ടര് ഹെല്പ്പ്ലൈന് ആപ്പ് (വിഎച്ച്എ) മുഖേനയോ ഫോം 6എ യിലോ അപേക്ഷ സമര്പ്പിക്കാം.
പുതുതായി വോട്ടര്പട്ടികയില് പേരു ചേര്ക്കുന്നവര്ക്ക് ഫോം 6ലെ ബന്ധപ്പെട്ട കോളത്തില് ആധാര് നമ്പര് രേഖപ്പെടുത്താമെന്നും തെരഞ്ഞെടുപ്പ് കമ്മിഷന് അറിയിച്ചു. ഇനി മുതല് ജനുവരി 1, ഏപ്രില് 1, ജൂലൈ 1, ഒക്ടോബര് 1 എന്നീ നാല് യോഗ്യതാ തീയതികളിലും 18 വയസ് പൂര്ത്തിയാകുന്ന ഇന്ത്യന് പൗരന്മാര്ക്ക് വോട്ടര് പട്ടികയില് പേര് ചേര്ക്കാം. 2023ലെ വാര്ഷിക സമ്മതിദായക പട്ടിക പുതുക്കല് 2022 ആഗസ്ത് ആദ്യവാരം ആരംഭിക്കും.
