ബര്‍മിംഗ്ഹാം:കോമണ്‍വെല്‍ത്ത് ഗെയിംസില്‍ പുരുഷന്‍മാരുടെ ഭാരദ്വഹനമത്സരത്തില്‍ ഇന്ത്യയ്‌ക്ക് വെള്ളിമെഡല്‍. 55 കിലോഗ്രാം വിഭാഗത്തിലാണ് ഇന്ത്യയുടെ സങ്കേത് മഹാദേവ് സര്‍ഗര്‍ വെള്ളിമെഡല്‍ നേടിയത്.
സ്നാച്ച് വിഭാഗത്തില്‍ 113 കിലോഗ്രാം ഉയര്‍ത്തി. ക്ലീന്‍ ആന്‍റ് ജെര്‍ക് വിഭാഗത്തില്‍ 135 കിലോഗ്രാമാണ് ഉയര്‍ത്തിയത്. പക്ഷെ 139 കിലോഗ്രാം ഉയര്‍ത്താനുള്ള ശ്രമം പരാജയപ്പെട്ടു. ഇതോടെ ആകെ 248 കിലോഗ്രാം ഉയര്‍ത്തിയാണ് സങ്കേത് മഹാദേവ് സര്‍ഗര്‍ വെള്ളിമെഡല്‍ സ്വന്തമാക്കിയത്.
കൂടുതല്‍ ഭാരം ഉയര്‍ത്താനുള്ള അവസാനശ്രമത്തിനിടെ സങ്കേതിന് പരിക്ക് പറ്റി. ഒരു കിലോഗ്രാം മാത്രം അധികം ഉയര്‍ത്തിയ (249 കിലോഗ്രാം) മലേഷ്യയുടെ മൊഹമ്മദ് അനിഖിനാണ് സ്വര്‍ണ്ണം.
പ്രതികരിക്കാൻ ഇവിടെ എഴുതുക: