സംസ്ഥാനത്ത് വ്യാപക മഴ മുന്നറിയിപ്പ്; തിങ്കളാഴ്ച രണ്ടു ജില്ലകളില്‍ അതിതീവ്ര മഴ സാധ്യത; ചൊവ്വാഴ്ച എട്ടു ജില്ലകളില്‍ ഓറഞ്ച് അലെര്‍ട്ട്

തിരുവനന്തപുരം: ഒരിടവേളയ്‌ക്കു ശേഷം സംസ്ഥാനത്ത് വീണ്ടും മഴ ശക്തമാകുന്നു.  തിങ്കഴാഴ്ച മുതുല്‍ സംസ്ഥാനത്ത് ശക്തമായ മഴയ്‌ക്ക് സാധ്യതയെന്ന് കാലാവസ്ഥാ വകുപ്പിന്റെ മുന്നറിയിപ്പ്. തിങ്കളാഴ്ച  രണ്ടു ജില്ലകളില്‍ അതിതീവ്ര മഴ മുന്നറിയിപ്പാണ്. ഇതേത്തുടര്‍ന്ന് ഇടുക്കി, കോട്ടയം ജില്ലകളില്‍ ഓറഞ്ച് അലെര്‍ട്ട് പ്രഖ്യാപിച്ചു. ചൊവ്വാഴ്ച തിരുവനന്തപുരം മുതല്‍ തൃശൂര്‍ വരെ ജില്ലകളില്‍ ഓറഞ്ച് എലെര്‍ട്ട് പ്രഖ്യാപിച്ചു. കര്‍ണാടക- തമിഴ്‌നാട് തീരത്തെ ന്യൂനമര്‍ദ്ദ പാത്തിയാണ് ശക്തമായ മഴയ്‌ക്കു കാരണം.  ഉച്ചയ്‌ക്ക് ശേഷം ഇടിമിന്നലോട് കൂടിയ മഴയ്‌ക്കാണ് സാധ്യത.