തിരുവനന്തപുരം: സംസ്ഥാനത്ത് പൊടാരന്‍ മാംഗോ ജൂസിന്റെ ഉത്പാദനം, സംഭരണം, വിതരണം, വില്‍പ്പന എന്നിവ പൂര്‍ണമായും നിരോധിച്ച് സംസ്ഥാന ഭക്ഷ്യ സുരക്ഷാ കമ്മീഷണര്‍ വി.ആര്‍. വിനോദ് ഉത്തരവിട്ടു. ഭക്ഷ്യ സുരക്ഷാനിയമവും ചട്ടങ്ങളും ലംഘിച്ചതായി കണ്ടെത്തിയതിനാലാണ്. നിരോധിച്ച ഉത്പന്നം വിപണിയില്‍ ലഭ്യമാണെങ്കില്‍ 18004251125 എന്ന ടോള്‍ഫ്രീ നമ്പറില്‍ അറിയിക്കണം.
കൊല്ലത്ത് വിപണിയിലുള്ള പാനീയമായ പൊടാരന്‍ മാംഗോ ജ്യൂസിന്റെ കുപ്പി അസാധാരണമായി വീര്‍ത്തുപൊട്ടിത്തെറിച്ചിരുന്നു. പാനീയങ്ങള്‍ക്ക് ദുര്‍ഗന്ധവും അനുഭവപ്പെട്ടെന്നാണ് ആക്ഷേപം. ഒന്നിലധികം സംഭവങ്ങള്‍ ഇത്തരത്തില്‍ റിപോര്‍ട്ട് ചെയ്തിരുന്നു. ഇതിന്റെ ഭാഗമായി ഭക്ഷ്യസുരക്ഷാ വിഭാഗം പരിശോധന നടത്തിയിരുന്നു. ഇതില്‍ പാനീയത്തിന് കുഴപ്പമുണ്ടെന്നാണ് കണ്ടെത്തിയത്. തുടര്‍ന്നാണ് പൊടാരന്‍ മാംഗോ ജ്യൂസ് എന്ന പാനീയത്തിന്റെ വില്‍പ്പന നിരോധിച്ചത്‌.
പ്രതികരിക്കാൻ ഇവിടെ എഴുതുക: