കണ്ണൂര് : പ്ലസ് വണ് വിദ്യാര്ത്ഥിനി ട്രെയിന് തട്ടി മരിച്ചു. കക്കാട് ഭാരതീയ വിദ്യാഭവന് സ്കൂളിലെ പതിനൊന്നാം ക്ലാസ് വിദ്യാര്ത്ഥിനിയായ നന്ദിത പി. കിഷോറാണ്(16) മരിച്ചത്. അലവില് നിച്ചു വയല് സ്വദേശിനിയാണ് നന്ദിത അമ്മയുടെ മുന്നില്വെച്ചാണ് അപകടത്തില്പെടുന്നത്.
ഇന്ന് രാവിലെ ചിറക്കല് അര്പ്പാംതോട് റെയില്വേ ഗേറ്റിലാണ് ദാരുണമായ സംഭവം ഉണ്ടായത്. റെയില്വേ ഗേറ്റിന് സമീപത്തായി നിര്ത്തിയിട്ടിരുന്ന സ്കൂള് ബസില് കേറുന്നതിനായി പാളം മുറിച്ചു കടക്കുന്നതിനിടെ വിദ്യാര്ത്ഥിനിയെ വൈകിയെത്തിയത് പരശുറാം എക്സ്പ്രസ് ഇടിച്ചു തെറിപ്പിച്ചത്.
നന്ദിതയെ സാധാരണ അമ്മയാണ് വീട്ടില് നിന്നും കാറില് സ്കൂള് ബസിനടുത്തേക്ക് കൊണ്ടു പോകാറ്. ഇന്ന് അമ്മയും മകളുമെത്തിയപ്പോള് പരശുറാം എക്സ്പ്രസിന് കടന്ന് പോകാനായി റെയില്വേ ഗേറ്റ് അടച്ച നിലയിലായിരുന്നു. മകളെ ഇറക്കി അമ്മ ഗേറ്റ് തുറക്കാനായി വണ്ടിയില് തന്നെ കാത്തിരുന്നു. ഈ സമയമാണ് കുട്ടി പാളം മുറിച്ച് കടക്കാന് ശ്രമിച്ചത്. ട്രെയിന് തട്ടി വീണ നന്ദിതയുടെ തല സമീപത്തെ കരിങ്കല്ലില് ഇടിച്ചു. ഉടന് തന്നെ ആശുപത്രിയില് എത്തിച്ചെങ്കിലും രക്ഷിക്കാന് സാധിച്ചില്ല.
