പാലക്കാട്: ബസ് സ്റ്റോപ്പില് ആണ്‍കുട്ടികളും പെണ്‍കുട്ടികളും ഒന്നിച്ചു നിന്നെന്ന് ആരോപിച്ച് പാലക്കാട്ട് സ്‌കൂള്‍ വിദ്യാര്‍ത്ഥികള്‍ക്ക് നേരെ സാദാചാര ഗുണ്ടകളുടെ ആക്രമണമുണ്ടായതായി ആരോപണം. മണ്ണാര്‍ക്കാട് കരിമ്പയിലുള്ള ഗവ. ഹയര്‍സെക്കന്‍ഡറി സ്‌കൂളിലെ വിദ്യാര്‍ത്ഥികള്‍ക്ക് നേരെയാണ് ആക്രമണമുണ്ടായത്.
സ്‌കൂളിന് സമീപത്തെ ബസ് സ്റ്റോപ്പില് ആണ്‍കുട്ടികളും പെണ്‍കുട്ടികളും ഒരുമിച്ചിരുന്നെന്ന് ആരോപിച്ച് സദാചാര വിദ്യാര്‍ത്ഥികള്‍ക്കു നേരെ ഇവര്‍ ആക്രമണം അഴിച്ചുവിടുകയായിരുന്നു. നാല്‍പ്പതോളം പേര്‍ സ്ഥലത്ത് തടിച്ചുകൂടി വിദ്യാര്‍ത്ഥികളെ ചോദ്യം ചെയ്യുകയും ഇതില്‍ പന്ത്രണ്ട് പേരാണ് മര്‍ദ്ദനത്തിന് നേതൃത്വം നല്‍കിയത്.
പെണ്‍കുട്ടികളും ആണ്‍കുട്ടികളും ഒരുമിച്ചിരുന്നാല്‍ ഇവര്‍ ഇതിനുമുമ്പ് നിരന്തരം ആക്ഷേപങ്ങള്‍ ഉന്നയിച്ചിരുന്നു. ഇക്കാര്യം രക്ഷിതാക്കള്‍ അധ്യാപകരെ അറിയിച്ചെങ്കിലും അവരും തുടര്‍ നടപടി കൈക്കൊണ്ടില്ല. സംഭവം പോലീസിനെ അറിയിച്ചിട്ടും സദാചാര ഗുണ്ടകള്‍ക്കെതിരെ നടപടികള്‍ സ്വീകരിക്കാന്‍ തയ്യാറായില്ലെന്നും ആരോപണമുണ്ട്. അതിനിടെ സംഭവം വിവാദമായതോടെ രണ്ട് പേരെ അറസ്റ്റ് ചെയ്തു. കരിമ്പ സ്വദേശികളായ സിദ്ദീഖ്, ജലീല്‍ എന്നിവരാണ് അറസ്റ്റിലായത്.
പ്രതികരിക്കാൻ ഇവിടെ എഴുതുക: