കോഴിക്കോട് : സമയ ക്രമവുമായി ബന്ധപ്പെട്ട് കോഴിക്കോട് നഗരത്തിലെ സ്വകാര്യ ബസ് ജീവനക്കാര്‍ തമ്മില്‍ ഏറ്റുമുട്ടല്‍. കോഴിക്കോട് സിറ്റി ബസ് സ്റ്റാന്‍ഡില്‍ ഇന്ന് രാവിലെയാണ് സംഘര്‍ഷം അരങ്ങേറിയത്. സ്റ്റാന്‍ഡിലേക്ക് ആദ്യം സിറ്റി ബസ് ആദ്യം എത്തി. പിന്നാലെ ലൈന്‍ ബസും എത്തിയതോടെ ഇരുവരും തമ്മില്‍ വാക്കു തര്‍ക്കം ഉണ്ടാവുകയും അത് സംഘര്‍ഷത്തിലേക്ക് നീങ്ങുകയുമായിരുന്നു.
ബസ് സ്റ്റാന്‍ഡിന് തൊട്ട് മുമ്പുള്ള ബസ് സ്റ്റോപ്പില്‍ സിറ്റി ബസ് അധിക സമയം നിര്‍ത്തിയിട്ടതിനെ തുടര്‍ന്നുള്ള തര്‍ക്കമാണ് സംഘര്‍ഷത്തിലേക്ക് എത്തിയത്. ബസ് ജീവനക്കാര്‍ തമ്മിലുള്ള തര്‍ക്കം കയ്യാങ്കളിയിലേക്ക് നീങ്ങിയതോടെ യാത്രക്കാരും വിദ്യാര്‍ത്ഥികളും ഇടപെട്ടാണ് ബസ് ജീവനക്കാരെ പിടിച്ചുമാറ്റിയത്.
പ്രൈവറ്റ് ബസ് സ്റ്റാന്‍ഡിന് തൊട്ടടുത്തായി പോലീസ് സ്‌റ്റേഷന്‍ ഉണ്ടെങ്കിലും യാത്രക്കാര്‍ ഇടപെട്ടാണ് സംഘര്‍ഷം ഒഴിവാക്കിയത്. സംഭവത്തില്‍ മണിക്കൂറുകള്‍ പിന്നിട്ടെങ്കിലും പോലീസ് ഇതുവരെ നടപടി കൈക്കൊണ്ടിട്ടില്ല.
പ്രതികരിക്കാൻ ഇവിടെ എഴുതുക: