തിരുവനന്തപുരം: സര്‍ക്കാര്‍ ഐടിഐകളിലെ പ്രവേശനത്തിന് നാളെ മുതല്‍ അപേക്ഷിക്കാം. സംസ്ഥാനത്തെ 104 സര്‍ക്കാര്‍ ഐടിഐകളിലായി 72 ആറുമാസ, ഏകവത്സര, ദ്വിവത്സര ട്രേഡുകളിലേക്കാണ് പ്രവേശനം. ഓണ്‍ലൈന്‍ സംവിധാനത്തിലാണ് അപേക്ഷ നല്‍കേണ്ടത്.
ജാലകം അഡ്മിഷന്‍ പോര്‍ട്ടല്‍ (https://itiadmissions.kerala.gov.in) വഴി നേരിട്ടും, ഐടിഐ വകുപ്പ് വെബ്‌സൈറ്റിലെ (https://det.kerala.gov.in) ലിങ്ക് മുഖേനയും ഈ മാസം 30 വരെ ഓണ്‍ലൈനായി അപേക്ഷകള്‍ സമര്‍പ്പിക്കാം. ഓണ്‍ലൈനായി അപേക്ഷകള്‍ സമര്‍പ്പിക്കുന്നതിനുളള പ്രോസ്‌പെക്ടസും മാര്‍ഗനിര്‍ദേശങ്ങളും വകുപ്പ് വെബ്‌സൈറ്റിലും (https://det.kerala.gov.in), ജാലകം അഡ്മിഷന്‍ പോര്‍ട്ടലിലും (https://itiadmissions.kerala.gov.in) ലഭ്യമാണ്. വെബ്‌സൈറ്റിലൂടെ അപേക്ഷ പൂരിപ്പിച്ച് ഓണ്‍ലൈന്‍ വഴി 100 രൂപ ഫീസടച്ച് കേരളത്തിലെ ഏത് ഐടിഐകളിലേക്കും പ്രവേശനത്തിന് അപേക്ഷിക്കാം.
പ്രതികരിക്കാൻ ഇവിടെ എഴുതുക: