തൊടുപുഴ:കെ.കെ രമയ്ക്കെതിരെ എം എം മണി നടത്തിയ പരാമര്ശത്തെ അപലപിച്ച സിപിഐ നേതാവ് അനീ രാജയ്ക്കെതിരെ എം എം മണി.അവര്ക്ക് ദല്ഹിയില് അല്ലേ ഒണ്ടാക്കല്, അവര്ക്ക് കേരളനിയമസഭയിലെ പ്രശ്നങ്ങള് അറിയില്ലല്ലൊയെന്നാണ് എം.എം മണി പറഞ്ഞത്.തനിക്കെതിരെയുളള ആനി രാജയുടെ പ്രതികരണത്തെ കാര്യമായി കാണുന്നില്ലെന്നും എം.എം മണി മറുപടി പറഞ്ഞു.
‘അവര് അങ്ങനെ പറയുമെന്ന്.അവര് ദല്ഹിയിലാണല്ലൊ ഇവിടെ അല്ലല്ലോ ഒണ്ടാക്കല്.ദല്ഹിയിലാണല്ലോ ഇവിടെ കേരളത്തില് അല്ലല്ലോ.കേരള നിയമസഭയില് അല്ലല്ലോ.ഇവിടെ കേരള നിയമസഭയില് നമ്മള് നേരിട്ടുകൊണ്ടിരിക്കുന്ന പ്രശ്നം നമുക്കല്ലേ അറിയുളളു.ആനി രാജയ്ക്ക് എങ്ങനെ അറിയാനാണ്.ഇനി അവര് പറഞ്ഞാലും അതൊന്നും നമുക്ക് വിഷയമല്ല.ഞാന് പറഞ്ഞത് ഇങ്ങനെ പറഞ്ഞതാ.സമയം കിട്ടിയാല് നല്ല ഭംഗിയായി ഞാന് പറയുകയും ചെയ്യുമായിരുന്നു.ഇനീം പറയും’-മണി പറഞ്ഞു.
രാഷട്രീയ സംവാദങ്ങള്ക്ക് മറുപടി നല്കുമ്പോള് സ്ത്രീകളുടെ ദുരന്തങ്ങള് ഉപയോഗിപ്പെടുത്തുന്നത് ശരിയല്ലെന്നായിരുന്നു ആനി രാജ വിഷയത്തില് പ്രതികരിച്ചത്.ഇത്തരം പ്രസ്താവനകള് കമ്മ്യൂണിസ്റ്റുകാരുടെ ഭാഗത്തുനിന്നും ഉണ്ടാകാന് പാടില്ലാത്തതാണ്.ഓഴിവാക്കപ്പെടേണ്ട ഒന്നായിരുന്നു.എം.എം മണിയെ നിയന്ത്രിക്കണോ എന്ന് സിപിഐഎം നേതൃത്വം തീരുമാനിക്കണമെന്നും ആനി രാജ അഭിപ്രായപ്പെട്ടു.
