മുന്‍അമേരിക്കന്‍ പ്രസിഡന്റ് ഡോണാള്‍ഡ് ട്രംപിന്റെ ആദ്യ ഭാര്യ ഇവാന ട്രംപ് അന്തരിച്ചു

വാഷിങ്ടന്‍: മുന്‍ യുഎസ് പ്രസിഡന്റ് ഡോണാള്‍ഡ് ട്രംപിന്റെ ആദ്യ ഭാര്യ ഇവാന ട്രംപ്(73) അന്തരിച്ചു.മരണവാര്‍ത്ത ട്രംപ് തന്റെ സമൂഹിമാധ്യമമായ ട്രൂത്ത് സോഷ്യല്‍ വഴിയാണ് പുറത്ത് വിട്ടത്.ചെക്കോസ്ലോവാക്യയില്‍ ജനിച്ച ഇവാന 1970ലാണ് യുഎസിലേക്ക് കുടിയേറിയത്.1977ല്‍ ഡോണാള്‍ഡ് ട്രംപിനെ വിവാഹം കഴിച്ചു.1992ല്‍ ഇരുവരും വിവാഹമോചിതരായി. ഡോണാള്‍ഡ് ട്രംപ് ജൂനിയര്‍, ഇവാന്‍ക ട്രംപ്, എറിക് ട്രംപ് എന്നിവര്‍ മക്കളാണ്.ഇവാനയുടെ മരണത്തില്‍ അതിയായ ദുഖമുണ്ടെന്ന് ട്രംപ് അറിയിച്ചു.