തിരുവനന്തപുരം: എ.കെ.ജി. സെന്റര്‍ ആക്രമണം നടന്നിട്ട് രണ്ടാഴ്‌ച്ച കഴിഞ്ഞിട്ടും പ്രതിയെ പിടിക്കാത്തതില്‍ ന്യായീകരണവുമായി എല്‍ഡിഎഫ്. കണ്‍വീനര്‍ ഇപി. ജയരാജന്‍. സുകുമാരക്കുറുപ്പ് പോയിട്ട് കാലമെത്രയായി, ഇതുവരെ പിടിച്ചോപലരും മാറിമാറി ഭരിച്ചില്ലേ. എന്നിട്ടും പിടിക്കാനായോയെന്നും അദേഹം ചോദിച്ചു.
എകെജി സെന്റര്‍ ആക്രമണം പോലീസ് നല്ലനിലയില്‍ അന്വേഷിക്കുന്നുണ്ട്. പിന്നെ, കക്കാന്‍ പഠിക്കുന്നവര്‍ക്കറിയാം നില്‍ക്കാനും. ഇത്തരത്തില്‍ കൃത്യങ്ങള്‍ നിര്‍വഹിക്കുന്നവര്‍ രക്ഷപ്പെടാനുള്ള വഴികളും സ്വീകരിക്കും, സ്വീകരിച്ചിട്ടുണ്ടാവാമെന്നും അദേഹം പറഞ്ഞു.
ശക്തി, ബുദ്ധിപരമായ കഴിവ്, എല്ലാ തരത്തിലുമുള്ള ശാസ്ത്രസാങ്കേതിക വിദ്യകള്‍ എന്നിവ ഉപയോഗിച്ചു വളരെ ജാഗ്രതയോടെ പൊലീസ് അന്വേഷണം നടത്തുകയാണെന്നും അദ്ദേഹം പറഞ്ഞു. എന്നെ വെടിവെച്ചത് സുധാകരന്‍ ആണെന്ന് എപ്പോഴെങ്കിലും സമ്മതിച്ചിട്ടുണ്ടോ? സുധാകരനെ പോലെ തരം താഴാന്‍ ഞാനില്ല. എനിക്ക് ബോംബുമായി ഒരു പരിചയവുമില്ല. നിര്‍മ്മിക്കാനും എറിയാനും അറിയില്ലന്നും ഇ പി ജയരാജന്‍ പറഞ്ഞു.
പ്രതികരിക്കാൻ ഇവിടെ എഴുതുക: