ശരീരത്തിന്റെ രഹസ്യഭാഗത്ത് രണ്ട് കിലോയോളം സ്വർണം ഒളിപ്പിച്ച് കടത്താന്‍ ശ്രമിച്ച കബീറും സാനിറും കരിപ്പൂരിൽ പിടിയിൽ

കോഴിക്കോട് : കരിപ്പൂർ വിമാനത്താവളത്തിൽ ഒരു കോടി രൂപയില്‍ അധികം വിലവരുന്ന സ്വര്‍ണ്ണം കടത്താന്‍ ശ്രമിച്ച രണ്ടുപേരെ പ്രത്യേക അന്വേഷണ സംഘം പിടിച്ചു.  

രണ്ട് യാത്രക്കാരനിൽ നിന്നാണ് രണ്ട് കിലോഗ്രാം ഭാരം വരുന്ന സ്വർണം പിടിച്ചത്. കണ്ണൂർ നാറാത്ത് സ്വദേശി മാട്ടുമ്മൽ സാനിർ(33), സ്വർണം ഏറ്റുവാങ്ങാനെത്തിയ പറമ്പിൽപ്പീടിക സ്വദേശി കട്ടോലിൽ അഹമ്മദ് കബീർ(33) എന്നിവരെയാണ് പ്രത്യേക അന്വേഷണ സംഘം പിടികൂടിയത്.  

ജിദ്ദയിൽ നിന്നെത്തിയ ഇൻഡിഗോ വിമാനത്തിലാണ് സാനിറും കബീറും കരിപ്പൂരിലെത്തിയത്. ശരീരത്തിന്റെ രഹസ്യഭാഗങ്ങളിൽ ഒളിപ്പിച്ചാണ് സ്വർണം കടത്തിയത്.  കസ്റ്റംസിനെ വെട്ടിച്ച് രണ്ടു പേരും വിമാനത്താവളത്തിന് പുറത്തെത്തിയതായിരുന്നു. പിന്നീട് പ്രത്യേക അന്വേഷണ സംഘമാണ് ഇവരെ പുറത്ത് പിടികൂടിയത്.