കോട്ടയം: യുവാവിനെ കൊന്ന് പോലീസ് സ്‌റ്റേഷനുമുന്നിലിട്ട പ്രതി ജയില്‍ ചാടി. കേസിലെ അഞ്ചാം പ്രതിയായ ബിനുമോനാണ് കോട്ടയം സബ് ജയിലില്‍ നിന്ന് രക്ഷപ്പെട്ടത്.ഇയാള്‍ക്കായുളള തെരച്ചില്‍ ശക്തമാക്കിയിരിക്കുകയാണ്.കോട്ടയത്ത് ഷാന്‍ബാബു എന്നയാളെ കൊലപ്പെടുത്തി പോലീസ് സ്‌റ്റേഷനു മുന്നില്‍ കൊണ്ടിട്ട കേസില്‍ മീനടം സ്വദേശി ബിനുമോന്‍ റിമാന്‍ഡിലായിരുന്നു.യുവാവിനെ തട്ടികൊണ്ടുപോകാന്‍ ഉപയോഗിച്ച ഓട്ടോയുടെ ഡ്രൈവറാണ് ബിനു.
ഇയാളുടെ ശാന്ത സ്വഭാവവും, മറ്റ് കേസുകളില്‍ പ്രതി അല്ലാത്തതും കാരണം അടുക്കളയിലായിരുന്നു ഇയാള്‍ക്ക് ജോലി.പുലര്‍ച്ചെ അഞ്ചരയ്‌ക്ക് ജോലിയ്‌ക്കെത്തിയ ബിനു അടുക്കളയുടെ പിന്‍വശത്തെ മതിലില്‍ ചാരിവെച്ചിരുന്ന പലക ഉപയോഗിച്ചാണ് മതില്‍ ചാടി രക്ഷപെട്ടത്. സംഭവം നടന്‍ പതിനഞ്ച് മിനിറ്റിനുളളില്‍ തന്നെ ജയില്‍ അധികൃതര്‍ക്ക് വിവരം ലഭിക്കുകയും പോലീസില്‍ അറിയിച്ച് അന്വേഷണം ആരംഭിക്കുയും ചെയ്തു.
ഇയാള്‍ നഗരം വിടാനുളള സമയമായിട്ടില്ലെന്നാണ് പോലീസ് പറയുന്നത്.നഗരത്തിലും പരിസരപ്രദേശത്തും പോലീസ് വ്യാപകമായ അന്വേഷണം ആരംഭിച്ചിരിക്കുകയാണ്.എന്നാല്‍ കഴിഞ്ഞ ദിവസം ബിനുവിന്റെ ഭാര്യ ഇയാളെ കാണാന്‍ ജയില്‍ വന്നിരുന്നു.എത്രയും പെട്ടെന്ന് ജയില്‍ നിന്ന് പുറത്തിറങ്ങണമെന്ന് ഇയാള്‍ പറഞ്ഞതായി വിവരമുണ്ട്.ബിനുവിന്റെ നാടായ മീനടം കേന്ദ്രീകരിച്ചാണ് അന്വേഷണം പുരോഗമിക്കുന്നത്.
പ്രതികരിക്കാൻ ഇവിടെ എഴുതുക: