കൊച്ചി: ഏകദിന സന്ദര്‍ശനത്തിനായി കേന്ദ്ര വാര്‍ത്ത വിതരണ പ്രക്ഷേപണ, യുവജനകാര്യ, കായിക മന്ത്രി അനുരാഗ് ഠാക്കൂര്‍ തിങ്കളാഴ്ച രാവിലെ കോഴിക്കോട് എത്തും. ജില്ലയില്‍ വിവിധ പരിപാടികളില്‍ അദ്ദേഹം സംബന്ധിക്കും. രാവിലെ 8.30ന് കോഴിക്കോട് ബീച്ചില്‍ നടക്കുന്ന സ്വച്ഛ്ത അഭിയാനുമായി ബന്ധപ്പെട്ട പരിപാടിയില്‍ പങ്കെടുക്കുന്ന കേന്ദ്രമന്ത്രി, തുടര്‍ന്ന് കേസരി ഭവനില്‍ നടക്കുന്ന ചടങ്ങില്‍ മലയാളം ദിനപത്രമായ ജന്മഭൂമിയുടെ പുതിയ ഓഫീസ് കെട്ടിടം ഉദ്ഘാടനം ചെയ്യും.
പരിപാടിക്ക് ശേഷം അനുരാഗ് ഠാക്കൂര്‍ കേരളത്തിലെ അച്ചടി, ഇലക്ട്രോണിക് മാധ്യമങ്ങളിലെ ഉടമകളുമായും എഡിറ്റര്‍മാരുമായും കൂടിക്കാഴ്ച നടത്തും. കേന്ദ്ര വാര്‍ത്ത വിതരണ പ്രക്ഷേപണ മന്ത്രാലയത്തിന് കീഴിലുള്ള കൊച്ചിയിലെ പ്രസ് ഇന്‍ഫര്‍മേഷന്‍ ബ്യൂറോ സംഘടിപ്പിക്കുന്ന പരിപാടി കോഴിക്കോട്ടെ ഹോട്ടല്‍ െ്രെടപന്റയില്‍ വച്ചാണ് നടക്കുക.
ഉച്ചക്ക് 12.30നാണ് പരിപാടി. തുടര്‍ന്ന് വൈകിട്ടോടെ കോഴിക്കോട്ടെ സ്‌പോര്‍ട്‌സ് അതോറിറ്റി ഓഫ് ഇന്ത്യ (എസ്എഐ) പരിശീലന കേന്ദം അനുരാഗ് ഠാക്കൂര്‍ സന്ദര്‍ശിക്കുകയും അവിടത്തെ ഉദ്യോഗസ്ഥരുമായും കായിക താരങ്ങളുമായും സംവദിക്കുകയും ചെയ്യും.
പ്രതികരിക്കാൻ ഇവിടെ എഴുതുക: