കോഴിക്കോട്: നടിയും മോഡലുമായ ഷഹാനയുടെ മരണത്തിന് ഉത്തരവാദി ഭര്‍ത്താവ് സജാദ് ആണെന്ന് പോലീന്റെ കുറ്റപത്രം.ആത്മഹത്യപ്രേരണകുറ്റം ഉള്‍പ്പെടെ ചുമത്തി അന്വേഷണ സംഘം കോഴിക്കോട് ജുഡീഷ്യല്‍ ഫസ്റ്റക്‌ളാസ് മജിസ്‌ട്രേറ്റ് കോടതിയില്‍ കുറ്റപത്രം നല്‍കിയത്. ഷഹാനയുടെ ഡയറിക്കുറിപ്പുകളുടെ അ്ടിസ്ഥാനത്തില്‍ സജാദിനെതിരെ ആത്മഹത്യ പ്രേരമണകുറ്റം ചുമത്തി കേസ് എടുത്തു.ഷഹാനയെ സജാദ് ശാരീരികമായും മാനസികമായും പീഡിപ്പിച്ചിരുന്നു. കൂടാതെ സജാദിന്റെ ലഹരി ഉപയോഗവും ആത്മഹത്യക്ക് കാരണമായി.മരണദിവസം രാവിലെയും ഷഹാനയെ ഭര്‍ത്താവ് പീഡിപ്പിച്ചതായി കുറ്റപത്രത്തില്‍ പറയുന്നു.
ഡയറില്‍ താന്‍ ഭര്‍ത്താവില്‍ നിന്ന് പീഡനത്തിന് ഇരയായതായി വ്യക്തമായി ഷഹാന എഴുതിയിട്ടുണ്ട്.ആത്മഹത്യയാണെന്ന് പോസ്റ്റമോര്‍ട്ടം റിപ്പോര്‍ട്ടില്‍ പറയുന്നത്.എന്നാല്‍ ആത്മഹത്യയ്‌ക്ക് കാരണം ഭര്‍ത്താവില്‍ നിന്നുളള പീഡനമാണെന്ന് പോലീസ് കണ്ടെത്തിയിട്ടുണ്ട്.180 പേജോളം വരുന്ന ഡയറില്‍ 81 പേജ് ഷഹാന നേരിട്ട പീഡനങ്ങള്‍ വിവരിച്ചുകൊണ്ടായിരുന്നു.ഷഹാനയുടെ മൊബൈലും മറ്റും പോലീസ് ഫോറന്‍സിക്ക് പരിശോധനയ്‌ക്ക് അയച്ചിരിക്കുകയാണ്.പറമ്പില്‍ ബസാറിന് സമീപം ഗള്‍ഫ് ബസാറില്‍ ഭര്‍ത്താവ് സജാദിനൊപ്പം വാടകയ്‌ക്ക് താമസിച്ചിരുന്ന വീട്ടിലാണ മെയ് 13ന് ഷഹാനയെ തൂങ്ങി മരിച്ചനിലയില്‍ കണ്ടെത്തിയത്.കൊലപാതകമാണെന്ന ബന്ധുക്കളുടെ ആരോപണത്തില്‍ സജാദിനെ പോലീസ് അറസ്റ്റ് ചെയ്തിരുന്നു.
പ്രതികരിക്കാൻ ഇവിടെ എഴുതുക: