തിരുവനന്തപുരം: വിതുരയില് 12 വയസ്സുകാരിയെ പീഡിപ്പിച്ച പാസ്റ്റര് അറസ്റ്റില്. വിതുര സ്വദേശി ബെഞ്ചമിനെയാണ് (68) പോലീസ് അറസ്റ്റ് ചെയ്തത്. സ്കൂളില് നടന്ന കൗണ്സിലിങ്ങിനിടെ സഹോദരിയാണ് പീഡനവിവരം തുറന്നുപറഞ്ഞത്.
ആറ് മാസം മുമ്പ് സഹപാഠിക്കൊപ്പം 12 വയസുകാരി ബെഞ്ചമിന്റെ വീട്ടില് പോയിരുന്നു. കുട്ടിയെ മുറിയില് കൊണ്ടുപോയി ഇയാള് പീഡിപ്പിക്കുകയായിരുന്നു. പീഡനവിവരം പുറത്തുപറയരുതെന്ന് പാസ്റ്റര് കുട്ടിയെ ഭീഷണിപ്പെടുത്തിയിരുന്നു. എന്നാല് വീട്ടിലെത്തിയ പെണ്കുട്ടി സംഭവം സഹോദരിയോട് പറഞ്ഞിരുന്നു. കഴിഞ്ഞ ദിവസം സ്കൂളിലെത്തിയ ചൈല്ഡ് ലൈന് പ്രവര്ത്തകര് പെണ്കുട്ടിയുടെ സഹോദരിയെ കൗണ്സിലിംഗ് വിധേയമാക്കിയപ്പോഴാണ് സംഭവം പുറത്തറിഞ്ഞത്. തുടര്ന്ന് സി.ഡബ്ല്യു.സി വിതുര പോലീസിന് പരാതി നല്കുകയായിരുന്നു. പെണ്കുട്ടിയുടെ മൊഴിയുടെ അടിസ്ഥാനത്തില് പ്രതിക്കെതിരേ പോക്സോ നിയമപ്രകാരമാണ് കേസെടുത്തത്. ഇന്നലെ രാത്രി അറസ്റ്റിലായ പ്രതിയെ നെടുമങ്ങാട് കോടതിയില് ഹാജരാക്കും.
