ന്യൂദല്‍ഹി : അഗ്നിവീറുകള്‍ക്കായുള്ള നിയമന നടപടികള്‍ വെള്ളിയാഴ്ച അരംഭിക്കുമെന്ന് വ്യോമസേന. കഴിഞ്ഞ ദിവസം കരസേനേ റിക്രൂട്‌മെന്റ് നടപടികള്‍ പുറത്തുവിട്ടതിന് പിന്നാലെയാണ് വ്യോമസേനയും ഇപ്പോള്‍ പുറത്തുവിട്ടത്. എന്തുവന്നാലും പദ്ധതിയില്‍ നിന്നും പിന്നോട്ടില്ലെന്ന് പ്രതിരോധ മന്ത്രാലയം നേരത്തെ വ്യക്തമാക്കിയതാണ്.
ജൂലൈ അഞ്ചാണ് അപേക്ഷ നല്‍കാനുള്ള അവസാന തീയതി. അടുത്തമാസം 24 ന് ഓണ്‍ലൈന്‍ പരീക്ഷ നടത്തുമെന്നും വ്യോമസേനാ വൃത്തങ്ങള്‍ അറിയിച്ചു. അഗ്‌നിപഥ് പദ്ധതിക്കുള്ള രജിസ്‌ട്രേഷന്‍ ജൂലൈയില്‍ തുടങ്ങുമെന്നായിരുന്നു കരസേനയുടെ വിജ്ഞാപനം.
പത്താം ക്ലാസ്, എട്ടാം ക്ലാസ് എന്നിവ പാസായവര്‍ക്കാണ് സേനയില്‍ അഗ്‌നീവീറുകളായി വിവിധ തസ്തികകളില്‍ അവസരം ലഭിക്കുക. ഇരുപത്തിയഞ്ച് ശതമാനം പേര്‍ക്ക് നാല് വര്‍ഷത്തെ സേവനത്തിന് ശേഷം 15 വര്‍ഷം കൂടി തുടരാന്‍ അവസരം ഉണ്ടാകുമെന്നും അറിയിപ്പുണ്ട്.
പ്രതികരിക്കാൻ ഇവിടെ എഴുതുക: