കൊച്ചി: ചാനല് ചര്ച്ചയില് വ്യാജആരോപണങ്ങള് ഉയര്ത്തുകയും വ്യക്തിഅധിക്ഷേപം നടത്തിയും കോണ്ഗ്രസ് നേതാവ് രാഹുല് മാങ്കൂട്ടത്തില്. കോണ്ഗ്രസ് നേതാവിന്റെ നാട്ടിലെ യഥാര്ത്ഥ മുഖം തുറന്ന് കാട്ടി ബിജെപി നേതാവ് ബി ഗോപാലകൃഷ്ണന്. ഇന്നലെ നടന്ന 24 ന്യൂസിന്റെ എന്കൗണ്ടര് പരിപാടിയിലാണ് രാഹുല് മാങ്കൂട്ടത്തില് ബിജെപിക്കെതിരെയും ആര്എസ്എസിനെതിരെയും വ്യാജ ആരോപണങ്ങള് ഉയര്ത്തിയത്.
ഗാന്ധിയെ കൊന്ന പ്രസ്ഥാനമാണ് ആര്എസ്എസാണെന്ന് അദേഹം ചാനല് ചര്ച്ചയില് പറഞ്ഞു. ഈ കേസില് കോണ്ഗ്രസ് നേതാവ് രാഹുല് ഗാന്ധി കോടതി നടപടികള് നേരിടുന്ന കാര്യം ബി. ഗോപാലകൃഷ്ണന് ചൂണ്ടിക്കാട്ടി. എന്നാല്, ഈ പ്രസ്താവന പിന്വലിക്കാന് രാഹുല് തയാറായില്ല. തുടര്ന്നാണ് ഗാന്ധിയെ കൊന്നത് ആര്എസ്എസും ബിജെപിയുമാണെന്ന് രാഹുല് പറഞ്ഞത്. ഇക്കാര്യത്തില് ഉറച്ചു നില്ക്കുന്നതായും അദേഹം പറഞ്ഞു. ചര്ച്ച നയിച്ച ഹാഷ്മി താജ് ഇബ്രാഹിമും രാഹുലിന് അനുകൂലമായ നിലപാടാണ് സ്വീകരിച്ചത്. ഇതിനെതിരെ ബി. ഗോപാലകൃഷ്ണന് പ്രതിഷേധം ഉയര്ത്തി.
തുടര്ന്നാണ് ബി. ഗോപാലകൃഷ്ണനെ വ്യക്തിപരമായി രാഹുല് അധിക്ഷേപിക്കാന് ശ്രമിച്ചത്. ഇതോടെയാണ് രാഹുല് മാങ്കൂട്ടത്തിനെ നാട്ടുകാര് ‘കോഴി’യെന്നും ചിലര് ‘കാട്ടുകോഴിയെന്നുമാണ് വിളിക്കുന്നതെന്ന് വെളിപ്പെടുത്തിയത്. ഇതോടെ ചാനല് ചര്ച്ചയില് അദേഹം വിളറിവെളുത്തു. താന് ഇത്തരം വ്യക്തി അധിക്ഷേപങ്ങള്ക്ക് കൂട്ടുനില്ക്കുന്നതല്ലെന്നും രാഹുല് ഇതു പറഞ്ഞ് പറയിച്ചതാണെന്നും ബിജെപി നേതാവ് ബി. ഗോപാലകൃഷ്ണന് വ്യക്തമാക്കി. രാഹുലില് മാങ്കൂട്ടത്തിന്റെ ഇരട്ടപ്പേര് പുറത്തായതോടെ സോഷ്യല് മീഡിയയില് വ്യാപക ട്രോളുകളും നിറഞ്ഞിട്ടുണ്ട്. രാഹുലിന്റെ പഴയ പലകാര്യങ്ങളും സോഷ്യല് മീഡിയയിലൂടെ പ്രചരിക്കുന്നുണ്ട്. കേരളത്തിലെ കെഎഫ്സിയാണ് രാഹുലെന്നും ചിലര് സോഷ്യല് മീഡിയയില് കുറിച്ചു.
