കോട്ടയം: എസ്എസ്എല്‍സി പരീക്ഷയില്‍ കോട്ടയം ജില്ലയില്‍ 99.7 ശതമാനം വിജയം. പരീക്ഷയെഴുതിയ 19,452 പേരില്‍ 19,393 പേര്‍ ഉപരിപഠനത്തിന് യോഗ്യത നേടി. 9955 ആണ്‍കുട്ടികളില്‍ 9911 പേരും 9497 പെണ്‍കുട്ടികളില്‍ 9482 പേരും ഉപരിപഠനത്തിന് യോഗ്യരായി.പാലാ വിദ്യാഭ്യാസ ജില്ലയാണ് വിജയശതമാനത്തില്‍ മുന്നില്‍, 99.94 ശതമാനം.
പരീക്ഷയെഴുതിയ 3343 പേരില്‍ 3341 പേരും ഉപരിപഠനത്തിന് യോഗ്യതനേടി. പാലാ, കടുത്തുരുത്തി വിദ്യാഭ്യാസ ജില്ലകളില്‍ പരീക്ഷയെഴുതിയ പെണ്‍കുട്ടികളില്‍ മുഴുവന്‍ പേരും ഉപരിപഠനത്തിന് യോഗ്യത നേടി. കോട്ടയം വിദ്യാഭ്യാസ ജില്ലയിലാണ് ഏറ്റവുമധികം പേര്‍ എല്ലാവിഷയങ്ങള്‍ക്കും എ പ്ലസ് നേടിയത്, 623 പേര്‍. പാലാ – 481, കാഞ്ഞിരപ്പള്ളി-424, കടുത്തുരുത്തി-315 എ പ്ലസ് നേടി.
പ്രതികരിക്കാൻ ഇവിടെ എഴുതുക: