പോലീസ് പിടിക്കാതെ ഓടി രക്ഷപ്പെടാന് ശ്രമിക്കുന്ന യൂത്ത് കോണ്ഗ്രസ് ദേശീയ അധ്യക്ഷന് ശ്രീനിവാസന്റെ മറ്റൊരു വീഡിയോ കൂടി പുറത്ത്. കഴിഞ്ഞ ദിവസം ദല്ഹിയില് നടത്തിയ സമരത്തിനിടെ പോലീസിനെ കണ്ട് ഓടുന്ന വീഡിയോയാണ്് പുറത്തുവന്നത്. തിങ്കഴാച, പ്രകടനത്തിന് ശേഷം മടങ്ങവെ അറസ്റ്റ് ചെയ്യാനായി എത്തിയ പോലീസിനെ സമാനരീതിയില് കബളിപ്പിച്ച് ശ്രീനിവാസ ഓടി രക്ഷപ്പെടുന്ന വീഡിയോ വൈറലായിരുന്നു.
രാഹുല് ഗാന്ധിയെ ഇഡി ചോദ്യം ചെയ്യുന്നതുമായി ബന്ധപ്പെട്ട് ദല്ഹിയില് നടത്തിയ പ്രകടനത്തിനിടെയാണ് സംഭവം. അറസ്റ്റ് ചെയ്യാനായി അടുത്ത പോലീസ്ഉദ്യോഗസ്ഥനെ തട്ടിത്തെറിപ്പിച്ച് ‘അയ്മനം സിദ്ധാര്ത്ഥന്’ മോഡലില് ശ്രീനിവാസ ഓടുകയായിരുന്നു.
ആദ്യദിനം സമാനരീതിയില് ശ്രീനിവാസ ഓടി രക്ഷപ്പെടുന്ന വീഡിയോ വൈറലായിരുന്നു. ദല്ഹി പോലീസിനെ പേടിയില്ലായെന്നും സമരവുമായി ശക്തമായി മുന്നോട്ടു പോകുമെന്നും ഒരു ചാനലിന് പ്രതികരണം നല്കിക്കൊണ്ട് മുന്നോട്ട് പോകുകായിരുന്നു ശ്രീനിവാസ. തന്റെ കാറിന് സമീപത്ത് എത്തിയപ്പോള് ഒരു പോലീസ് ഉദ്യോഗസ്ഥന് അദേഹത്തെ അറസ്റ്റ് ചെയ്യാനായി സമീപിച്ചു. എന്നാല് പോലീസുകാരനെ തട്ടിത്തെറിപ്പിച്ച് അദേഹം ഓടി ഒളിക്കുകയായിരുന്നു.
ദൃശ്യങ്ങള് സാമൂഹ്യമാധ്യമങ്ങളില് വൈറലായി. ‘അയ്മനം പ്രോ’ എന്ന തലക്കെട്ടോടെയാണ് മലയാളികള് ഈ വീഡിയോ പങ്കുവെച്ചിരിക്കുന്നത്.
