ഇടുക്കി: രാജകുമാരിയില്‍ കാണാതായ മൂന്നരവയസ്സുകാരിയെ കണ്ടെത്തി.ചൊവ്വാഴ്‌ച്ച ഉച്ചയ്‌ക്ക് മൂന്ന് മണിയോടെ ഇടുക്കി രാജകുമാരി ബി ഡിവിഷനില്‍ നിന്നാണ് കുഞ്ഞിനെ കാണാതാവുന്നത്.മധ്യപ്രദേശ് സ്വദേശികളായ ലക്ഷ്മണ്‍-ജ്യോതി ദമ്പതികളുടെ മകളായ ജെസീക്കയെയാണ് കാണാതായത്.രാത്രി മുഴുവന്‍ നടത്തിയ തിരച്ചിലിനൊടുവില്‍ പുലര്‍ച്ചെയോടെയാണ് കുഞ്ഞിനെ കണ്ടെത്തിയത്.
കുട്ടിയുടെ മാതാപിതാക്കള്‍ ഏലത്തോട്ടത്തിലെ തൊഴിലാളികളാണ്.ഇവര്‍ ജോലി ചെയ്യുന്ന സമയത്ത് ജസീക്കയും മറ്റൊരുകുട്ടിയും സമീപത്ത് കളിക്കുകയായിരുന്നു.പെട്ടെന്ന് കുഞ്ഞിനെ കാണാതായി.പരിസരത്ത് എല്ലാം നോക്കിയെങ്കിലും കണ്ടെത്താന്‍ സാധിച്ചില്ല.വൈകുന്നേരം ആയിട്ടും കുഞ്ഞിനെ കണ്ടെത്താന്‍ സാധിക്കാത്തതിനാല്‍ ശാന്തപാറ പോലീസില്‍ പരാതി നല്‍കി.
തുടര്‍ന്ന് സി.ഐ ഉള്‍പ്പെടെ പരിശോധന നടത്തിയെങ്കിലും കണ്ടെത്താന്‍ സാധിച്ചില്ല.പിന്നീട് ഫയര്‍ഫോഴ്‌സും, പോലീസും, നാട്ടുകാരും കൂട്ടമായി രാത്രിയില്‍ തിരച്ചില്‍ നടത്തിയെങ്കില്‍ കണ്ടെത്താന്‍ സാധിച്ചില്ല.പുലര്‍ച്ചെ മൂന്നാര്‍ ഡിവൈഎസ്പിയുടെ നേതൃത്വത്തില്‍ തിരച്ചിലില്‍ പുനരാംഭിച്ചു.ആ സമയം തൊട്ടടുത്ത തേയിലതോട്ടത്തില്‍ നിന്ന് കുഞ്ഞിന്റെ കരച്ചില്‍ കേട്ടു ഉടന്‍ പോലീസ് അവിടെ നടത്തിയ പരിശോധനയില്‍ കുഞ്ഞിനെ കണ്ടെത്തി. കുഞ്ഞിന്റെ ആരോഗ്യ സ്ഥിതി സാധാരണനിലയിലാണ്.
പ്രതികരിക്കാൻ ഇവിടെ എഴുതുക: