തിരുവനന്തപുരം: പ്രശസ്ത സിനിമാ- നാടക നടന് ഡി ഫിലിപ്പ് അന്തരിച്ചു. 79 വയസായിരുന്നു. തിരുവനന്തപുരത്തെ സ്വകാര്യ ആശുപത്രിയില് വച്ചാണ് അന്ത്യം. തിരുവല്ല സ്വദേശിയാണ്. വിദേശത്തുള്ള മകള് എത്തിയശേഷം സംസ്കാര ചടങ്ങുകളുടെ സമയം തീരുമാനിക്കും.
പ്രൊഫഷണല് നാടക വേദികളിലെ അവിസ്മരണീയ പ്രകടനങ്ങളിലൂടെ ശ്രദ്ധിക്കപ്പെട്ടതിന് ശേഷമാണ് ഫിലിപ്പ് സിനിമയിലേക്ക് എത്തിയത്. കാളിദാസ കലാകേന്ദ്രത്തിന്റെയും കെപിഎസിയുടെയും നാടകങ്ങളിലെ പ്രധാന നടനായിരുന്നു. കോട്ടയം കുഞ്ഞച്ഛന്, വെട്ടം, അര്ത്ഥം, പഴശ്ശിരാജ, ടൈം അടക്കം അന്പതിലേറെ സിനിമകളില് അഭിനയിച്ചിട്ടുണ്ട്. കെ ജി ജോര്ജ് സംവിധാനം ചെയ്ത കോലങ്ങള് എന്ന ചിത്രം നിര്മിച്ചത് ഡി ഫിലിപ്പും കെ ടി വര്?ഗീസും ചേര്ന്നായിരുന്നു.
