പാട്ന: ബീഹാറിലെ പാട്നയിലെ സര്ക്കാര് ആശപത്രയില് നിന്ന് മകന്റെ മൃതദേഹം വിട്ടുകിട്ടാന് പണം സ്വരൂപിക്കുന്നതിനായി തെരുവില് ഭിക്ഷയാചിക്കുകയാണ് ഒരു അച്ഛനും അമ്മയും.പാട്നയിലെ സമസ്തിപൂര് ജില്ലയിലാണ് സംഭവം നടന്നത്. മകന്റെ മൃതദേഹം വിട്ടുകിട്ടുന്നതിനായി 50,000 രൂപയാണ് ആശുപത്രിയിലെ ജീവനക്കാര് ആവശ്യപ്പെട്ടത്.
ഇവരുടെ മകനെ കുറച്ചുനാളായി കാണാനില്ലായിരുന്നു.എന്നാല് കഴിഞ്ഞ ദിവസം സമസ്തിപൂര് ജില്ലയിലെ സര്ക്കാര് ആശപത്രിയില് മകന്റെ മൃതദേഹം ഉണ്ടെന്ന് പറഞ്ഞ് ഫോണ് വന്നു.മൃതദേഹം വിട്ടുകിട്ടാന് 50,000 രൂപയാണ് ആശുപത്രി ജീവനക്കാരന് ആവശ്യപ്പെട്ടത്.പാവപ്പെട്ടവരാണ് ഞങ്ങള്, ഞങ്ങള് എങ്ങനെ അ്ത്രയും പണം നല്കുമെന്ന് മരിച്ച യുവാവിന്റെ പിതാവ് മഹേഷ് ഠാക്കൂര് മാധ്യമപ്രവര്ത്തകരോട് പറഞ്ഞു.
സംഭവത്തില് കുറ്റക്കാര്ക്കെതിരെ ശക്തമായ നടപടി സ്വീകരിക്കുമെന്ന് സിവില് സര്ജന് ഡോ. എസ്.കെ.ചൗധരി പറഞ്ഞു.കുറ്റാക്കാരെന്ന് കണ്ടെത്തുന്നവര്ക്ക് കടുത്ത ശിക്ഷ നല്കുമെന്നും അദ്ദേഹം പറഞ്ഞു.കരാര് ജീവനക്കാരായ ഇവര് സ്ഥിരമായി രോഗികളുടെ ബന്ധുക്കളില് നിന്ന് പണം വാങ്ങാറുണ്ടെന്ന് നാട്ടുകാര് ആരോപിച്ചു.
