ആലപ്പുഴ: പോപ്പുലര്‍ ഫ്രണ്ട് റാലിക്കിടെ വിദ്വേഷ മുദ്രാവാക്യംം നടത്തിയെന്ന കേസില്‍ അറസ്റ്റിലായ പോപ്പുലര്‍ ഫ്രണ്ട് സംസ്ഥാന ട്രഷറര്‍ കെ.എച്ച്. നാസറിനെ ഇന്ന് മൂജിസ്‌ട്രേറ്റിന് മുമ്പാകെ ഹാജരാക്കും. ഒന്നാം ക്ലാസ് മജിസ്‌ട്രേറ്റിന്റെ വസതിയിലെത്തിച്ചാണ് ഹാജരാക്കുക. പത്തുവയസ്സുള്ള കുട്ടി മുദ്രാവാക്യം വിളിച്ച പ്രകടനത്തിന്റെ സംഘാടകന്‍ എന്ന നിലയിലാണ് നാസറിനെ അറസ്റ്റ് ചെയ്തത്.
കേസില്‍ കുട്ടിയുടെ പിതാവും തോളിലേറ്റിയ ആളും അടക്കം മൂന്ന് പേരെയാണ് അറസ്റ്റ് ചെയ്തിരിക്കുന്നത്. പ്രായപൂര്‍ത്തിയാകാത്ത കുട്ടി പോപ്പുലര്‍ ഫ്രണ്ട് മുദ്രാവാക്യം വിളിച്ചതിന്റെ വീഡിയോ ദൃശ്യങ്ങള്‍ പ്രചരിക്കുകയും ഇത് വിവാദമാവുകയും ചെയ്തതിന്റെ അടിസ്ഥാനത്തിലാണ് അറസ്റ്റ്.
അതേസമയം പ്രകോപനപരമായ മുദ്രാവാക്യം വിളിക്കാന്‍ കുട്ടിയെ പഠിപ്പിച്ചത് കേസിലെ ഇരുപത്തിയാറാം പ്രതിയും എസ്ഡിപിഐ തൃപ്പൂണിത്തുറ മണ്ഡലം സെക്രട്ടറി സുധീറാണെന്ന് കണ്ടെത്തല്‍. പോലീസിന്റെ റിമാന്‍ഡ് റിപ്പോര്‍ട്ടിലാണ് ഇക്കാര്യം പറയുന്നത്. കുട്ടിയുടെ പിതാവ് അസ്‌കറിന്റെ അടുത്ത സുഹൃത്ത് കൂടിയാണ് ഇയാള്‍. അസ്‌കറിന്റെ പള്ളുരുത്തിയിലെ വീട്ടില്‍ നിത്യ സന്ദര്‍ശകനായിരുന്നു സുധീര്‍. ഇയാള്‍ക്കൊപ്പം കുട്ടിയെ മുദ്രാവാക്യം വിളിക്കാന്‍ അച്ഛന്‍ അസ്‌കറും പഠിപ്പിച്ചിരുന്നു. എന്നാല്‍ മുദ്രാവാക്യം ആരും പഠിപ്പിച്ചതല്ലെന്നും മുന്‍ പരിപാടികളില്‍ ആളുകള്‍ വിളിച്ചിരുന്നത് ഓര്‍മ്മയില്‍ വെച്ച് വിളിച്ചതാണെന്നാണ് കുട്ടി അറിയിച്ചത്.
പ്രതികരിക്കാൻ ഇവിടെ എഴുതുക: