ആലപ്പുഴ: കുളിമുറിയില്‍ തെന്നിവീണെന്ന് പറഞ്ഞ് ആശുപ്ത്രിയില്‍ എത്തിച്ച യുവതി മരിച്ച സംഭവം കൊലപാതകമെന്ന് പോലീസ്.ഭര്‍ത്താവ് ചേര്‍ത്തല കൊക്കോതമംഗലം അനന്തപുരി അപ്പുക്കുട്ടനെ(50) പോലീസ് അറസ്റ്റ് ചെയ്തു.അപ്പുക്കുട്ടന്റെ ഭാര്യ കൊല്ലം സ്വദേശി ഹേനയാണ്(42) കഴിഞ്ഞ 26ന് കുളിമുറിയില്‍ വീണ് മരിച്ചത്.
26ന് പകല്‍ 11.30നാണ് സംഭവം നടന്നത്.കുളിമുറിയില്‍ തെന്നിവീണെന്ന് പറഞ്ഞ് ഹേനയെ ഭര്‍ത്താവ് ആശുപത്രിയില്‍ എത്തിച്ചു.മരണം സ്ഥിരീകരിച്ചതിനാല്‍ പോലീസിനെ അറിയിച്ചു. പോസ്റ്റ്‌മോര്‍ട്ടത്തില്‍ സംഭവം കൊലപാതകമാണെന്ന് കണ്ടെത്തി.തുടര്‍ന്ന് നടത്തിയ അന്വേഷണത്തില്‍ ഭര്‍ത്താവ് അപ്പുക്കുട്ടന്‍ കുറ്റം സമ്മതിച്ചു.
പോസ്റ്റ്‌മോര്‍ട്ടത്തില്‍ ഹേനയുടെ തലയ്‌ക്ക് പരിക്കുണ്ട്.കൂടാതെ കഴുത്തില്‍ വിരല്‍ അമര്‍ന്ന പാടുണ്ടെന്നുമാണ് കണ്ടെത്തല്‍.വഴക്കിനിടെ കഴുത്തിന് പിടിച്ചു തളളിയിടുകയും, തലഭിത്തിയില്‍ ഇടിപ്പിക്കുകയും ചെയ്തതായി ഇയാള്‍ മൊഴി നല്‍കി.ഇവരുടെ വിവാഹം നടന്നിട്ട് ആറ് മാസങ്ങള്‍ ആയതെയുളളു. ഹേനയക്ക് മാനസികപ്രശ്‌നങ്ങള്‍ ഉണ്ടായിരുന്നു.ഇത് അറിഞ്ഞാണ് വിവാഹം നടന്നത്.സാമ്പത്തിക തര്‍ക്കമാണ് മരണത്തില്‍ കലാശിച്ചതെന്ന് പോലീസ് പറയുന്നു.
പ്രതികരിക്കാൻ ഇവിടെ എഴുതുക: