കൊല്‍ക്കത്ത: ബോളിവുഡ് ഗായകനും, മലയാളിയുമായ കെകെ എന്ന കൃഷ്ണകുമാര്‍ കുന്നത്തിന്റെ പെട്ടെന്നുളള വിടവാങ്ങലില്‍ കണ്ണീരണിഞ്ഞ ആരാധകര്‍.കൊല്‍ക്കത്തയിലെ നസറുള്‍ മഞ്ചയില്‍ നടന്ന സംഗീത നിശയില്‍ ആര്‍പ്പു വിളിച്ച ആരാധകര്‍ അറിഞ്ഞിരുന്നില്ല ഇത് അദ്ദേഹത്തിന്റെ അവസാന സ്റ്റേജ് ആകുമെന്ന്.ഹം രഹേ യാ ന രഹേ കല്‍..എന്ന ഗാനം ആലപിക്കുമ്പോള്‍ ഗാനത്തിനൊപ്പിച്ച് മൊബൈലില്‍ ഫ്‌ളാഷ് ലൈറ്റുകള്‍ ഓണാക്കി ആസ്വാദകര്‍ കൈവീശി.അദ്ദേഹത്തിന്റെ അവസാന സംഗീതനിശയുടെ ദൃശ്യങ്ങള്‍ ഇപ്പോള്‍ പുറത്ത് വന്നിരിക്കുകയാണ്.പലരും ഇതിന്റെ വീഡിയോ പലരും പങ്കുവെച്ചു.
കെകെയുടെ മരണത്തില്‍ കൊല്‍ക്കത്തയിലെ ന്യൂമാര്‍ക്കറ്റ് പോലീസ് കേസ് എടുത്തിട്ടുണ്ട്.അദ്ദേഹം പരിപാടിയ്‌ക്ക് ശേഷം അവശാനായി മടങ്ങുന്നതിന്റെ വീഡിയോ ദൃശ്യങ്ങള്‍ പുറത്ത് വന്നിട്ടുണ്ട്.2400ഓളം പേര്‍ക്ക് മാത്രം ഇരിക്കാവുന്ന ഓഡിറ്റേറിയത്തില്‍ അയ്യായിരം പേരോളം ഉണ്ടായിരുന്നു.ഓഡിറ്റേറിയത്തിലെ എ.സിയും പ്രവര്‍ത്തിക്കുന്നില്ലായിരുന്നു.ഇത് മൂലം കടുത്ത ചൂട് അനുഭവപ്പെട്ടിരുന്നു.ചൂട് കാരണം അദ്ദേഹം ഇടയ്‌ക്കിടയ്‌ക്ക് മുഖം തുടക്കുന്നുണ്ടായിരുന്നു,നന്നായി ചൂടെടുക്കുന്നു എന്ന് ഇടയ്‌ക്ക് പറയുന്നുണ്ടായിരുന്നു.സംഗീത പരിപാടിയ്‌ക്ക് ശേഷം ആള്‍ക്കൂട്ടത്തിനിടയിലൂടെ വിയര്‍ത്തൊലിച്ച് അവശനായി നടന്നു നീങ്ങുന്ന അദ്ദേഹത്തെ പുറത്തെത്തിക്കാന്‍ ബോഡിഗാര്‍ഡുകള്‍ പാടുപെടുന്നുണ്ടായിരുന്നു.
പ്രതികരിക്കാൻ ഇവിടെ എഴുതുക: