കൊച്ചി: പോളിങ് ബൂത്തിന് സമീപം മാധ്യമപ്രവര്‍ത്തകരുമായി സംസാരിച്ച എന്‍.ഡി.എ സ്ഥാനാര്‍ഥി എ.എന്‍. രാധാകൃഷ്ണനെ പോലീസ് തടഞ്ഞു.ലയോള എല്‍.പി സ്‌കൂള്‍ വളപ്പില്‍വെച്ചായിരുന്നു സംഭവം നടന്നത്.ബൂത്തിന് 200 മീറ്റര്‍ അകലെ മാറിയെ മാധ്യമങ്ങളെയും ക്യാമറായെയും അനുവദിക്കാനാവു എന്ന് പോലീസ് പറഞ്ഞു.എന്നാല്‍ അതേ സമയം മറ്റ് സ്ഥാനാര്‍ഥികള്‍ വോട്ട് ചെയ്യുന്നത് ഉള്‍പ്പെടെ മാധ്യമങ്ങള്‍ ക്യാമറയില്‍ പകര്‍ത്തിയപ്പോഴാണ് എന്‍ഡിഎ സ്ഥാനാര്‍ഥിയ്‌ക്ക് മാത്രം വിലക്ക് കല്‍പ്പിച്ചത്.
സ്‌കൂളിന് പുറത്ത് വേണം മാധ്യമങ്ങളെ കാണാന്‍ എന്ന് പോലീസ് പറഞ്ഞു.ഇതില്‍ എ.എന്‍ രാധാകൃഷ്ണന്‍ പ്രതികരിച്ചു.’ വേണമെങ്കില്‍ കേസ് എടുത്തോ എന്ന് അദ്ദേഹം പറഞ്ഞു.ഇത് വിജയനോട് പോയി പറഞ്ഞാല്‍ മതിയെന്നും’ അദ്ദേഹം പറഞ്ഞു എന്നാല്‍ പോലീസ് പിന്‍വാങ്ങാന്‍ തയ്യാറായില്ല
തൃക്കാക്കര മണ്ഡലത്തില്‍ വോട്ടില്ലാത്ത സ്ഥാനാര്‍ഥിയാണ് എ.എന്‍.രാധാകൃഷ്ണന്‍.അദ്ദേഹത്തിന് എറണാകുളം മണ്ഡലത്തിലാണ് വോട്ട്.അദ്ദേഹം ബൂത്ത് സന്ദര്‍ശനത്തനായി എത്തിയതായിരുന്നു. ഇടപ്പളളി ഗണപതി ക്ഷേത്രത്തില്‍ കയറി പ്രാര്‍ത്ഥിച്ചതിന് ശേഷമാണ് ബൂത്ത് സന്ദര്‍ശനം നടത്തിയത്.
പ്രതികരിക്കാൻ ഇവിടെ എഴുതുക: