ശ്രീനഗര്‍: തീവ്രവാദികള്‍ക്കെതിരായ നീക്കത്തില്‍ വന്‍ മുന്നേറ്റം നടത്തി സൈന്യം. അനന്ത് നാഗില്‍ വെള്ളിയാഴ്ച നടന്ന ഏറ്റുമുട്ടലില്‍ രണ്ട് തീവ്രവാദികളെ കൊന്നു.
കഴിഞ്ഞ ദിവസം നടി അംറീന ഭട്ടിനെ വധിച്ച ലഷ്കര്‍ ഇ ത്വയിബ തീവ്രവാദികളെ വധിച്ചതിന് ശേഷം വീണ്ടും സൈന്യം വിജയം നേടിയിരിക്കുകയാണ്. തീവ്രവാദികള്‍ക്കെതിരെ ശക്തമായ താക്കീത് നല്‍കുകയാണ് സൈന്യത്തിന്റെ ലക്ഷ്യം.
കശ്മീര്‍ പണ്ഡിറ്റായ യുവാവിനെ ഉള്‍പ്പെടെ വധിച്ച് ചില ഭീഷണികള്‍ മുഴക്കുകയായിരുന്ന തീവ്രവാദ സംഘത്തിന് നല്ലൊരു താക്കീതാണ് വെള്ളിയാഴ്ച സൈന്യം നല്‍കിയത്. അനന്ത് നാഗിലെ ഷിട്ടിപോര ബിജ്ബെഹാര പ്രദേശത്തായിരുന്നു ഏറ്റുമുട്ടല്‍ ആരംഭിച്ചത്.
തീവ്രവാദികള്‍ ഒളിച്ചിരിക്കുന്നതായുള്ള ചില വിവരങ്ങള്‍ ലഭിച്ചതിനെ തുടര്‍ന്നാണ് സൈന്യം പ്രദേശം വളഞ്ഞത്. പിന്നീട് ശക്തമായ തിരച്ചില്‍ നടത്തി. ഒടുവില്‍ കൃത്യമായി തീവ്രവാദികളെ കണ്ടെത്തി വെടിവെച്ച് കൊല്ലുകയായിരുന്നു.
പ്രതികരിക്കാൻ ഇവിടെ എഴുതുക: