തിരുവനന്തപുരം: ഭാര്യയെ കാണാനില്ലെന്ന പരാതിയുമായി ആര്യനാട് പോലീസ് സ്റ്റേഷനില് എത്തി ആത്മഹത്യക്ക് ശ്രമിച്ച യുവാവ് മരിച്ചു.പലോട് നന്ദിയോട് തെങ്ങുംകോണത്ത് മേക്കുംകര പുത്തന്‍ വീട്ടില്‍ ഷൈജുവാണ്(47) മെഡിക്കല്‍ കോളേജില്‍ ചികിത്സയ്‌ക്കിടെ മരിച്ചത്.ഇയാളുടെ ഒപ്പം താമസിച്ചിരുന്ന യുവതിയെ കാണാനില്ലായിരുന്നു.യുവതിയെ കണ്ടെത്തണമെന്ന് ആവശ്യപ്പെട്ട് പോലീസ്‌റ്റേഷനില്‍ എത്തി എസ്‌ഐയുടെ മുന്നില്‍ വെച്ച് ശരീരത്തില്‍ പെട്രോള്‍ ഒഴിച്ച് തീകൊളുത്തുകയായിരുന്നു.ഇയാള്‍ ഇതേ പരാതിയുമായി കൊല്ലം പുത്തൂര്‍ പോലീസ് സ്റ്റേഷനില് എത്തി അ്‌വിടെയും ആത്മഹത്യ ശ്രമം നടത്തിയിരുന്നു. ഇന്നലെ പോലീസ് സ്‌റ്റേഷനിലെത്തി ഷൈജു വനിതാ പോലീസിനോട് തട്ടികയറുകയും, തുടര്‍ന്ന് ഭാര്യയെ കാണാനില്ലെന്നും പൂത്തൂരില്‍ നിന്ന്ാണ് വരുന്നതെന്നും പോലീസിനോട് പറഞ്ഞു.
എന്നാല്‍ വിവരങ്ങള്‍ കൃത്യമല്ലാത്തതുകൊണ്ടും, ഭാര്യയുടെ മേല്‍വിലാസവും, ഫോണ്‍ നമ്പറും സഹിതം പരാതി നല്‍കണമെന്നും എസ്‌ഐ പറഞ്ഞു.ഉടന്‍ പുറത്തേക്ക് പോയ ഷൈജു ശരീരത്തില്‍ പെട്രോളോഴിച്ച ശേഷം തിരികെ എത്തി.ഇത് കണ്ട് വനിത പോലീസ് വിളിച്ച് പറഞ്ഞത് കേട്ട് എസ്‌ഐ ഷീന എത്തിയപ്പോഴേക്കും ഇയാള്‍ സിഗരറ്റ് ലാപ് കൊണ്ട് ശരീരത്തില്‍ തീകൊളുത്തി.ഉടന്‍ പോലീസുകാര്‍ വെളളമൊഴിച്ചു തീ കെടുത്തി ആശുപത്രിയില്‍ എത്തിച്ചു. എന്നാല്‍ ഇന്ന് മരണം സംഭവിച്ചു.ഇയാള്‍ മദ്യ ലഹരിയിലായിരുന്നു എന്ന് പോലീസ് പറയുന്നു.
ഷൈജു കോട്ടത്തല കൊഴുവന്‍പാറയ്‌ക്കു സമീപം വാടയ്‌ക്ക് താമസിക്കുകയായിരുന്നു.ഇയാളുടെ ഒപ്പമുണ്ടായിരുന്ന യുവതിയെ ഞായറാഴ്‌ച്ച മുതല്‍ കാണാനില്ലായിരുന്നു.ചൊവ്വാഴ്‌ച്ച യുവാവ് പൂത്തൂര്‍ സ്റ്റേഷനില് പരാതി നല്‍കി.എന്നാല്‍ നിയമപരമായി വിവാഹം കഴിക്കാത്തതിനാല്‍ പോലീസ് കേസ് എടുത്തില്ല. ഇയാള്‍ സ്റ്റേഷനില് നടത്തിയ ആത്മഹത്യ ശ്രമത്തെത്തുടര്‍ന്ന് കൂടെ താമസിച്ചിരുന്ന യുവതിയെ തിരുവനന്തപുരത്തുനിന്ന് മെഡിക്കല്‍ കോളേജ് പോലീസ് കണ്ടെത്തി.ഇവര്‍ അവിടെ ഹോംനേഴ്‌സായി ജോലി ചെയ്യുകയായിരുന്നു.മജിസ്‌ട്രേറ്റിന്റെ മുന്നിലെത്തിച്ച യുവതി ഷൈജുവിന്റെ കൂടെ പോകാന്‍ താല്‍പര്യമില്ലെന്നു പറഞ്ഞു.ഇതോടെ ഷൈജു ആര്യനാട് പോലീസ് സ്‌റ്റേഷനിലേക്ക് പരാതിയുമായി പോയി.
പ്രതികരിക്കാൻ ഇവിടെ എഴുതുക: