ജയ്പൂര്‍: ഭാര്യയില്‍ നിന്നും ഗാര്‍ഹിക പീഡനം നേരിടുന്നതായി പരാതിപ്പെട്ട് സ്‌കൂള്‍ പ്രിന്‍സിപ്പല്‍ കോടതിയില്‍. രാജസ്ഥാനിലെ അല്‍വാറിലാണ് സംഭവം. ഭാര്യ തന്നെ നിരന്ത്രം ക്രിക്കറ്റ് ബാറ്റുകൊണ്ട് മര്‍ദിക്കുന്നതായി യുവാവ് വെളിപ്പെടുത്തി. സംഭവത്തിന്റെ ദൃശ്യങ്ങള്‍ ഇപ്പോള്‍ സാമൂഹിക മാധ്യമങ്ങളില്‍ തരംഗമായിരിക്കുകയാണ്.
അജിത് യാദവ് എന്ന സ്‌കൂള്‍ പ്രിന്‍സപ്പലാണ് സംരക്ഷം ആവശ്യപ്പെട്ട് കോടതിയെ സമീപിച്ചിരിക്കുന്നത്. തന്റെ ഭാര്യ സുമന്‍ തന്നെ നിരന്തരമായി മര്‍ദിക്കുന്നു. ഒരിക്കല്‍ പോലും ഭാര്യക്കെതിരെ താന്‍ കൈ ഉയര്‍ത്തിയിട്ടില്ലെന്നും അജിത് യാദവ് പറഞ്ഞു. ഭിവാദി കോടതിയില്‍ ഔദ്യോഗിക പരാതി നല്‍കിയ യാദവ് ഭാര്യയില്‍ നിന്ന് സംരക്ഷണം ആവശ്യപ്പെടുകയും ചെയ്തു.
തെളിവായി ഇയാള്‍ സിസി ടിവി ക്യാമറാ ദൃശ്യങ്ങളും സമര്‍പ്പിച്ചു. ഒന്നില്‍ ഭാര്യയും ഭര്‍ത്താവും മാത്രമുള്ള സമയത്ത് അടികിട്ടുന്നതും രണ്ടാമത്തേതില്‍ 12 വയസ്സുള്ള മകനറെ മുന്നില്‍ വെച്ച് ഭര്‍ത്താവിനെ തല്ലി വീടിന് പുറത്തേക്ക് ഇറക്കിവിടുന്ന ദൃശ്യങ്ങളുമാണുള്ളത്.
വൈദ്യസഹായം തേടിയതിന്റെ രേഖകളും കോടതിയില്‍ സമര്‍പ്പിച്ചിട്ടുണ്ട്. ദൃശ്യങ്ങള്‍ ഇതിനോടകം സാമൂഹ്യമാധ്യമങ്ങളില്‍ തരംഗമായിരിക്കുകയാണ്.
പ്രതികരിക്കാൻ ഇവിടെ എഴുതുക: