പത്തനംതിട്ട: തടിലോറി മാറ്റുന്നതിനെ ചോല്ലിയുളള തര്‍ക്കത്തില്‍ പോലീസുകാരന്റെ തല അടിച്ചുപൊട്ടിച്ചു.പത്തനംതിട്ട പെരിനാട്ടില്‍ നടന്ന സംഭവത്തില്‍ സീനിയര്‍ സിപിഒ അനില്‍കുമാറിന്റെയാണ് തലഅടിച്ചു പൊട്ടിച്ചത്. സംഭവത്തില്‍ രണ്ട് പേര്‍ അറസ്റ്റില്‍.അനില്‍കുമാര്‍ കോട്ടയം മെഡിക്കല്‍ കോളേജില്‍ ചികിത്സയിലാണ്.
കിഴക്കെ മാമ്പറയിലെ കണ്ടംകുളത്ത് വെളളിയാഴ്‌ച്ച രാത്രി പത്തിനാണ് സംഭവം നടന്നത്.അനില്‍ക്കുമാര്‍ ഡ്യൂട്ടി കഴിഞ്ഞ് മണിയാറിലെ വീട്ടിലേക്കു പോവുകയായിരുന്നു. ഈ സമയത്ത് ജെസിബി ഉപയോഗിച്ച് കണ്ടംകുളത്ത് ലോറിയില്‍ തടി കയറ്റുന്നുണ്ടായിരുന്നു.തന്റെ വാഹനത്തിന് പോകുന്നതിനായി തടിലോറി മാറ്റണമെന്ന് അനില്‍കുമാര്‍ പറഞ്ഞു.എന്നാല്‍ തടി കയറ്റുന്നവര്‍ തയ്യാറായില്ല. തുടര്‍ന്ന് ഉണ്ടായ തര്‍ക്കത്തിനിടെയാണ് അനില്‍കുമാറിന് അടിയേറ്റത്. പോലീസ് എത്തി അദ്ദേഹത്തെ ആശുപത്രിയില്‍ കൊണ്ടുപോയി.ആദ്യം റാന്നി ആശുപത്രിയിലും, പിന്നീട് കോട്ടയം മെഡിക്കല്‍ കോളേജിലും പ്രവേശിപ്പിച്ചു.അത്തിക്കയം സ്വദേശികളായ സച്ചിന്‍, അലക്‌സ് എന്നിവര്‍ക്കെതിരെ കൊലപാതക ശ്രമം ഉള്‍പ്പെടെയുളള വകുപ്പുകള്‍ ചേര്‍ത്ത് കേസ് എടുത്തു.
പ്രതികരിക്കാൻ ഇവിടെ എഴുതുക: