കൊച്ചി: മുഖ്യമന്ത്രിക്കെതിരെ കെ.പി.സി.സി ആധ്യക്ഷന്‍ കെ. സുധാകരന്‍ നടത്തിയ പരാമര്‍ശം മര്യാദകെട്ടതാണെന്ന് കെ.വി.തോമസ്.കെ.സുധാകരനെതിരെ രൂക്ഷ വിമര്‍ശനവുമായാണ് കെ.വി തോമസ് രംഗത്തെത്തിയിരിക്കുന്നത്.പിണറായി വിജയന്‍ ചങ്ങല പൊട്ടിയ നായയെ പോലെയാണ് തൃക്കാക്കരയില്‍ ഓടിനടക്കുന്നതെന്നാണ് സുധാകരന്‍ പറഞ്ഞത്. ഇതിനെതിരെ കടുത്ത പ്രതിഷേധവുമായി കെ.വി തോമസ് എത്തിയത്.
കെ.സുധാകരന്‍ നിരന്തരം അധിക്ഷേപ പരാമര്‍ശം നടത്തുന്ന ആളാണ്. സുധാകരനും, ബ്രഗേഡും സോഷ്യല്‍ മീഡിയായിലടക്കം തന്നെ കടന്നാക്രമിച്ചു.തെറി പറയുന്ന ബ്രഗേഡ് നാടിന് ശാപമാണെന്നും കെ.വി തോമസ് പറഞ്ഞു.കെ.സുധാകരന്‍ നടത്തുന്ന പരാമര്‍ശങ്ങള്‍ ആ പദവിക്ക് ചേര്‍ന്നതല്ലെന്നും, സഹോദരന്റെ മരണ വാര്‍ത്തയുടെ താഴെ വന്ന് പോലും തെറി പറയുന്ന തരത്തിലാണ് ബ്രഗേഡുകള്‍ തരംതാഴന്നുവെന്നും കെ.വി തോമസ് പറഞ്ഞു. സുധാകന്‍ സ്വയം വിലയിരുത്തുന്നത് നന്നായിരിക്കുമെന്നും കെ.വി തോമസ് കൂട്ടിചേര്‍ത്തു.
എന്നാല്‍ അതേ സമയം പിണറായി വിജയനെതിരെ നടത്തിയ പരാമര്‍ശത്തില്‍ സുധാകരമനെതിരെ കേസ് എടുക്കണമെന്ന് എല്‍ഡിഎഫ് കണ്‍വീനര്‍ ഇ.പി ജയരാജന്‍ അവശ്യപ്പെട്ടു. എന്നാല്‍ താന്‍ പറഞ്ഞത് മലബാറിലെ ഒരു നാട്ടുശൈലിയാണെന്നും പരാമര്‍ശത്തില്‍ മുഖ്യമന്ത്രിയ്‌ക്ക് ബുദ്ധിമുട്ടായെങ്കില്‍ പിന്‍വലിക്കുന്നുവെന്നും സുധാകരന്‍ പറഞ്ഞു.ഡിവൈഎഫ്‌ഐ പ്രദേശിക നേതാവ് നല്‍കിയ പരാതിയില്‍ പാലാരിവട്ടം പോലീസ് കെ.സുധാകരനെതിരെ കേസ് രജിസറ്റര്‍ ചെയ്തു. ഐപിസി സെക്ഷന്‍ 153-ാം വകുപ്പ് പ്രകാരമാണ് കേസ് എടുത്തിരിക്കുന്നത്.
പ്രതികരിക്കാൻ ഇവിടെ എഴുതുക: