പോത്തന്കോട്: കനത്തമഴയില് പോത്തന്കോട് ജംങ്ഷന് സമീപം പ്രവര്ത്തിക്കുന്ന ആഡംബര ഹോട്ടലിന്റെ മതില് ഇടിഞ്ഞുവീണു.തൊട്ടടുത്തുളള വീട് മേലേക്കാണ് ഇരുപതടിയോളം ഉയരമുളള മതില് തകര്ന്ന് വീണത്. താഴത്തെ നിലയുടെ ഒരുവശത്തെ ചുമരും ജനാലയും തകര്ന്നതോടെ വീട് അപകടത്തിലാണ്.പോത്തന്കോട് സ്നേഹതീരത്തില് റാഫിയുടെ വീടിനാണ് കേടുപാടുകള് സംഭവിച്ചത്.ശനിയാഴ്ച്ച രാത്രി 12.30നാണ് അപകടം ഉണ്ടായ്ത്.
മതില് തകര്ന്ന സമയത്ത് തൊട്ടടുത്ത മുറിയില് റാഫിയുടെ ഭാര്യയും മകളും ഉണ്ടായിരുന്നു.വലിയ ശബ്ദം കേട്ട് മുറിയ്ക്ക് പുറത്തിറങ്ങുമ്പോഴേക്കും കല്ലും മറ്റും ജനലിലൂടെ മുറിക്കുളളില് വീണു. വീട്ടുകാര് തലനാരിഴയ്ക്കാണ് രക്ഷപെട്ടത് .വെളളിയാഴ്ച്ചയായിരുന്നു ഹോട്ടലിന്റെ ഉദ്ഘാനം.വീട്ടുകാര് ആര്ഡിഒയ്ക്കും, പോത്തന്കോട് പഞ്ചായത്തിലും പരാതി നല്കി.
