മുംബൈ: അധോലോക ഭീകരന് ദാവൂദ് ഇബ്രാഹിമിന്റെ രണ്ട് അടുത്ത സഹായികള് മുംബൈയില് അറസ്റ്റിലായി. ഛോട്ടാ ഷക്കീലിനായി ഹവാല ഇടപാടുകള് നടത്തിയവരെയാണ് ദേശീയ അന്വേഷണ ഏജന്സി (എന്ഐഎ) വെള്ളിയാഴ്ച അറസ്റ്റ് ചെയ്തത്. ഡി കമ്പനിയുടെ മുംബൈയിലെ പ്രമുഖരായ ആരിഫ് അബൂബക്കര് ഷെയ്ഖ് (59), ഷബ്ബീര് അബൂബക്കര് ഷെയ്ഖ് (51) എന്നിവരെ അറസ്റ്റ് ചെയ്തിട്ടുണ്ടെന്നും കൂടുതല് അന്വേഷണം നടക്കുന്നുണ്ടെന്നും ഒരു പത്രക്കുറിപ്പില് ഏജന്സി അറിയിച്ചു.
പാകിസ്ഥാനില് നിന്ന് അന്താരാഷ്ട്ര ക്രിമിനല് സംഘത്തെ നിയന്ത്രിക്കുന്ന ഛോട്ടാ ഷക്കീലിനെതിരെ ഇന്റര്പോള് റെഡ് കോര്ണര് നോട്ടീസ് പുറപ്പെടുവിച്ചിട്ടുണ്ടെന്ന് എന്ഐഎ വ്യക്തമാക്കി. കള്ളക്കടത്ത്, മയക്കുമരുന്ന് കടത്ത്, തീവ്രവാദ പ്രവര്ത്തനങ്ങള് എന്നിവയാണ് ഇപ്പോഴും ഛോട്ടാ ഷക്കിലിന്റെ നേതൃത്വത്തില് നടക്കുന്നതെന്ന് എന്ഐഎ വ്യക്തമാക്കി. ഡി കമ്പനിക്കെതിരായ നീക്കത്തിന്റെ ഭാഗമായി മുംബൈയിലെ 20 സ്ഥലങ്ങളില് എന്ഐഎ റെയ്ഡ് നടത്തിയിരുന്നു.
Â
Â
Â
Â
